Meiriháttar skattkerfisbreytingar

Trump vill sjá lögin koma til framkvæmda fyrir lok þessa ...
Trump vill sjá lögin koma til framkvæmda fyrir lok þessa árs. AFP

Bandarískir öldungadeildarþingmenn hafa samþykkt umfangsmikla löggjöf til skattalækkunar en litið er á málið sem pólitískan sigur fyrir ríkisstjórn Trumps Bandaríkjaforseta. 

Repúblikanar sem vildu ekki samþykkja lögin í fyrstu atrennu lýstu yfir stuðningi í kjölfar breytinga sem voru gerðar á frumvarpinu.

Þetta er umfangsmesta breyting sem gerð hefur verið á skattkerfi Bandaríkjanna frá því á níunda áratugnum. Það var samþykkt þrátt fyrir að öldungadeildarnefnd hafi komist að þeirri niðurstöðu að nýja löggjöfin myndi auka fjárlagahallann sem nemur einni billjón Bandaríkjadala. Þetta kemur fram á vef BBC.

Trump vill sjá breytingar, sem koma fram í nýju löggjöfinni, koma til framkvæmda fyrir lok ársins. 

Öldungadeildin verður nú að sameina nýju lögin við önnur sem fulltrúadeildin samþykkti í síðasta mánuði. Sameinað frumvarp verður síðan borið undir forsetann til undirritunar. 

Demókratar segja að þessar breytingar verði aðeins þeim ríku til góðs sem og stórfyrirtækjum. Þá muni lögin auka verulega á fjárlagahallann. Þeir náðu hins vegar ekki að tryggja nægilega mörg atkvæði til að stöðva málið í þinginu. Alls samþykktu 52 frumvarpið á móti 48.

mbl.is

Bloggað um fréttina

Íbúð til leigu á Seltjarnarnesi
Íbúð í einbýlishúsi með sérinngangi. Óskum eftir snyrtilegum, reyklausum og tr...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...