Mikil snjókoma á Bretlandseyjum

Veðurviðvaranir voru gefnar út í Bretlandi dag þar sem von var á mikilli snjókomu á stórum svæðum. Snjódýptin hefur náð allt að 30 sentimetrum, að því er fram kemur í yfirliti BBC um stöðu mála. Mestur er snjórinn í Wales. 

Veðrið hefur raskað samgöngum en auk úrkomunnar hefur vindur verið hvass í Suður-Englandi. Um 24.000 heimili voru án rafmagns í Oxford-skíri og víðar. Skýringuna á rafmagnsleysinu má rekja til þess að tré brotnuðu og féllu á rafmagnslínur í óveðrinu.

Áfram er búist við töluverðum töfum á vegum, í ferðum lesta og flugvéla vegna veðursins. Loka hefur þurft flugbrautum á einhverjum flugvöllum vegna úrkomunnar. 

• Blogga um frétt