Skólum lokað og flugi aflýst vegna snjókomu

Mikil ofankoma hefur verið í Hollandi og Bretlandi í dag ...
Mikil ofankoma hefur verið í Hollandi og Bretlandi í dag og hefur skólum verið lokað og verulegar truflanir orðið á samgöngum. AFP

Tölvuverð ofankoma hefur verið yfir hluta Evrópu undanfarna daga og hefur m.a. valdið því að loka hefur þurft skólum í Bretlandi og Hollandi, auk þess sem snjórinn hefur valdið miklum truflunum á samgöngum en búist er við því að það haldi áfram að snjóa.

Aflýsa þurfti um fjórðungi af öllum áætlunarflugum frá Heathrow-flugvelli í London, þá voru tafir á flugi hundruða véla frá Schiphol-flugvelli í Amsterdam og öllu flugi frá hollenska Eindhoven-flugvellinum var aflýst.

Reuters-fréttastofan segir ofankomu í Hollandi hafa leitt til þess að skólum og fyrirtækjum hafi verið lokað, auk þess sem hollensk yfirvöld hafi hvatt fólk til að halda sig heima við.

Hollenska veðurstofan KNMI sendi frá sér viðvörun um „verulega hættulegar“ aðstæður um land allt, en ísing var á vegum og lestarteinum, auk snjókomunnar.

Þá gaf veður­stofa Frakk­lands út viðvar­an­ir á yfir 30 svæðum í dag en spáð var hávaðaroki og snjó­komu.

mbl.is
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Teikning eftir Mugg til sölu
Teikning eftir Mugg til sölu, úr Sjöundi dagur í paradís, blýants og tússteiknin...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...