Nýjasti meðlimur bresku konungsfjölskyldunnar, leikkonan Meghan Markle sem mun ganga að eiga prinsinn Harry næsta vor, mætti til árlegrar jólaguðsþjónustu konungsfjölskyldunnar í morgun.

Við kirkju heilagrar Maríu Magdalenu í Sandringham hafði fjöldi fólks, um 200 manns, beðið eftir komu fjölskyldunnar og heilsuðu hin verðandi hjón upp á aðdáendurna. Meghan er strax dáð af mörgum þegnum Bretlands og mun hún verja jólunum í faðmi konungsfjölskyldunnar í Bretlandi.

Ávarp drottningar um eiginmanninn

Að lokinni guðsþjónustunni hélt fjölskyldan saman til hádegisverðar, en hefðin er að þar sé borinn á borð kalkúnn. Klukkan þrjú verður svo sýnt árlegt jólaávarp Elísabetar Englandsdrottningar til bresku þjóðarinnar og hefðbundið er að konungsfjölskyldan fylgist með ávarpinu saman.

Frétt af mbl.is

Þakkar Filippusi fyrir stuðninginn

Í ár mun ávarpið m.a. fjalla um hryðjuverkaárásirnar í London og Manchester á árinu. Hertoginn af Edinborg, Filippus prins, verður einnig í aðalhlutverki, en á árinu settist hann í helgan stein hvað formleg embættisverk varðar. Í ár er sjötíu ára brúðkaupsafmæli Elísabetar og Filippusar.

Elísabet Englandsdrottning og Filippus prins fagna sjötíu ára brúðkaupsafmæli í ár. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt