Telur að Trump beiti refsiaðgerðum á ný

Donald Trump, forseti Bandaríkjanna, hefur lýst yfir óánægju sinni með ...
Donald Trump, forseti Bandaríkjanna, hefur lýst yfir óánægju sinni með gildandi kjarnorkusamning við Íran. AFP

Steven Mnuchin, fjármálaráðherra Bandaríkjanna, telur líklegt að Donald Trump, forseti Bandaríkjanna, muni leggja refsiaðgerðir á Íran á ný. Trump mun taka ákvörðun á morgun um afstöðu ríkisstjórnar Bandaríkjanna til kjarnorkusamnings við Íran.

Ut­an­rík­is­ráðherra Írans fundaði með leiðtogum ríkja Evrópusambandsins í Brussel í dag þar sem yfirvöld í Bandaríkjunum voru hvött til að standa við samninginn sem gerður var árið 2015. Samkvæmt honum eru ýmsar takmarkanir settar á kjarnorkutilraunir Írana í skiptum fyrir afnám á ýmsum refsi- og þvingunaraðgerðum.

Boris Johnson, utanríkisráðherra Bretlands, sagði eftir fundinn í dag að núgildandi samningur kæmi í veg fyrir að Íranar bættu við sig kjarnorkuvopnum og hvatti Trump til að leggja fram betri samning, vilji hann gera breytingar á honum.

Niðurstaða fundarins í Brussel var einnig sú að Íranar hafi farið eftir ákvæðum samningsins. Ef Trump tilkynnir að hann sé ósammála þeirri niðurstöðu má búast við að hann innleiði refsiaðgerðir á ný. Talið er að refsiaðgerðunum verði beint gegn einstaklingum og fyrirtækjum.

Frétt BBC

mbl.is
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Bílalyftur frá JEMA á lager, pósta og skæralyftur.
Eigum 4 tonna gólffríar bílalyftur á lager. Einnig snigildrifnar danskar gæðaly...