Lögðu fram vantraust á ríkisstjórn Tsipras

Alexis Tsipras, til vinstri, og Zoran Zaev, til hægri.
Alexis Tsipras, til vinstri, og Zoran Zaev, til hægri. AFP

Stærsti stjórnarandstöðuflokkur Grikklands, Nýtt lýðræði, hefur lagt fram vantraust á gríska þinginu gegn ríkisstjórn Alexis Tsipras. Vantrausttillagan er til komin vegna umdeildrar nafnabreytingar Makedóníu sem nýtur stuðnings ríkisstjórnarinnar.

„Þetta er kornið sem fyllti mælinn,“ sagði Kyriakos Mitsotakis, formaður Nýs lýðræðis, í þingræðu sinni með vantrausttillögunni. „Við sundrum ekki Grikklandi til að sameina Makedóníu.“

Alexis Tsipras, hvers ríkisstjórn er búist við að felli vantrausttillöguna, samþykkti í vikunni ásamt Zoran Zaev, forsætisráðherra Makedóníu, nafnabreytingu Makedóníu yfir í Norður-Makedóníu. Deilur hafa staðið yfir um nafnið í tæplega þrjá áratugi í báðum löndum. Grikkir hafa lagst gegn Makedóníu-nafninu vegna þess að grískt hérað ber sama heiti.

mbl.is
Hreinsa þakrennur o.fl.
Hreinsa þakrennur, fyrir veturinn og tek að mér ýmis smærri verkefni. Uppl. í sí...
PL Crystal Line, heitustu úrin í Paris
Pierre Lannier Crystal Line dömuúrin með SWAROVSKI kristals skífu eru kjörin fer...
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA, DANSKA I, II, III, IV, V, VI: 2018: AUTUMN/HAUST: ...