Í júní leituðu 286 hælis í Noregi, þar af yfir helmingurinn frá Tyrklandi. Um 80% hælisumsókna í ár eru frá þessum hópi. Margir Tyrkjanna tengjast Gulen-hreyfingunni sem var sökuð um að reyna að steypa Recep Tayyip Erdogan forseta af stóli árið 2016. Fólkið segir tyrknesk stjórnvöld ofsækja það í kjölfarið. Yfir 100 þúsund manns hafa verið fangelsaðir í Tyrklandi í kjölfar valdaránstilraunarinnar. 

Áður voru það Kúrdar sem voru fjölmennastir í hópi Tyrkja sem sóttu um hæli í Noregi en nú hefur orðið breyting þar á, segir Knut Jostein Berglyd, starfsmaður móttökumiðstöðvar flóttamanna, í samtali við norska ríkisútvarpið.

Erdogan var endurkjörinn forseti Tyrklands nýverið. Andstæðingar hans segja kosningarnar ógildar og að kosningasvindl hafi verið stundað.

Í frétt norska ríkisútvarpsins segir að flestar hælisumsóknir Tyrkja sem tengjast Gulen-hreyfingunni hafi verið samþykktar í Noregi í ár.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt