Yfir 380 látnir á Lombok

Mikil eyðilegging varð í skjálftanum og hafa hátt í 390.000 ...
Mikil eyðilegging varð í skjálftanum og hafa hátt í 390.000 neyðst til að yfirgefa heimili sín. AFP

Yfirvöld á Indónesíu segja að tala þeirra sem létust í jarðskjálftanum sem reið yfir eyjuna Lombok um síðustu helgi sé komin í 387. Fjölmargir eru enn heimilislausir og víða er skortur á hreinu vatni, mat og lyfjum. 

Skjálftinn varð sl. sunnudag. Hann mældist 6,9 að stærð og jafnaði hann mörg þúsund heimili við jörðu á eyjunni. Viku fyrir stóra skjálftann varð annar skjálfti sem varð 17 að bana. 

Talsmaður almannavarna í landinu telur að tala látinna eigi eftir að hækka. Mörg lík eigi eftir að finnast sem liggi grafin í rústum húsa og aur, en aurskriður féllu víða í kjölfar hamfaranna. 

AFP

Hátt í 390.000 hafa þurft að flýja heimili sín. Þá hafa um 13.000 manns slasast. 

Norðurhluti Lombok varð verst úti í skjálftanum. Þar létust 334 og tæplega 200.000 eru án heimilis. 



mbl.is
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...