Kveikti í bíl og stakk þrjá með hnífi

Lögregla á vettvangi í Melbourne. Hún segir of snemmt að ...
Lögregla á vettvangi í Melbourne. Hún segir of snemmt að úrskurða hvort um hryðjuverk sé að ræða. AFP

Karlmaður var handtekinn í miðborg Melbourne í Ástralíu í dag eftir að hafa kveikt í bíl og fyrir að hafa því næst ráðist á þrjá einstaklinga með hnífi og orðið einum þeirra að bana.

Atburðurinn átti sér stað á annatíma og skaut lögregla á árásarmanninn til að stöðva hann. Var hann því næst fluttur á sjúkrahús og telst ástand hans alvarlegt.

Annað þeirra fórnarlamba árásarinnar sem lifðu hana af er einnig í lífshættu.

Að sögn áströlsku lögreglunnar er á þessu stigi rannsóknarinnar ekki talið að neinn annar tengist málinu, of snemmt sé hins vegar að álykta hvort um hryðjuverk hafi verið að ræða.

Lögreglu barst tilkynning um eld í bíl í nágrenni Bourke Street í miðbænum um hálffimmleytið. „Þegar þeir stigu út úr bílnum tók á móti þeim maður sem veifaði hnífi og ógnaði þeim,“ hefur BBC eftir lögregluforingjanum David Clayton. „Á sama tíma var fólk á svæðinu að hrópa að einhverjir hefði verið stungnir.“

Á myndbandi sem birt hefur verið á samfélagsmiðlum sést bíll, sem virðist hafa verið ekið inn í búðarglugga, í ljósum logum.

Hefur lögregla og fylkisstjórinn, Daniel Andrews, beðið fólk að halda sig fjarri svæðinu.

Atvikið á sér stað á sama tíma og réttarhöld fara fram yfir manni sem ákærður er fyrir árás í þessari sömu götu í fyrra, sem kostaði sex manns lífið.

mbl.is
Tæki fyrir fjórhjólið
Fjölmörg tæki í boði fyrir fjórhjólið www.hardskafi.is...
Dunlop Enasave Ec300
4 ný og ónotuð Dunlop Enasave Ec300 sumardekk til sölu. 215/50R17 Verð 40þús ...
Klettar - Heilsárshús - 80fm + 49fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Dekk til sölu
Ný ónotuð sumardekk til sölu tilboð óskast stærð 225-45-17 þetta er dýr dekkjast...