Þrír látnir eftir gassprengingu í París

Talið er að spreng­ing­in hafi orðið vegna gas­leka í hús­inu.
Talið er að spreng­ing­in hafi orðið vegna gas­leka í hús­inu. AFP

Tala látinna eftir gassprengingu í bakaríi í miðborg Parísar í morgun fer hækkandi. Spænsk kona og tveir slökkviliðsmenn létu lífið og 47 eru slasaðir, þar af tíu alvarlega.

Samkvæmt upplýsingum frá spænska utanríkisráðuneytinu var konan í fríi með eiginmanni sínum og voru þau á gangi nálægt bakaríinu þegar sprengingin varð. Konan var flutt á spítala þar sem hún lést af sárum sínum.

Talið er að spreng­ing­in hafi orðið vegna gas­leka í hús­inu en sprengingin varð þegar slökkviliðsmenn voru nýkomnir á vettvang vegna tilkynningar um gasleka, að sögn Christophe Castaner, innanríkisráðherra Frakklands.

Hubert-bakaríið er við götuna rue de Trévise og í næsta nágrenni er óperuhús Parísar sem er vinsæll viðkomustaður ferðamanna. Sprengingin fannst þar og í næstu götum.

„Ég var sofandi og vaknaði við háværan hvell,“ segir Killian, sem býr í nágrenni við bakaríið. Allir gluggar í íbúðinni hans brotnuðu í sprengingunni.

Bakaríið er við götuna rue de Trévise og í næsta ...
Bakaríið er við götuna rue de Trévise og í næsta nágrenni er óperuhús Parísar þar sem sprengingin fannst vel. AFP
AFP
mbl.is
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
NP þjónusta
NP Þjónusta Óska eftir að annast bókhaldsvinnu og fleira þess háttar. Upplýsinga...
Fjarnámskeið í ljósmyndun - fyrir alla
Lærðu á myndavélina þina, lærðu að taka enn beti myndir. Nú getur þú lært ljósmy...
Bíll
Góður bíll til sölu. Toyota Avensis árg, 2001 ekinn 270 þús. Hefur verið í góð...