Sajid Javid innanríkisráðherra Bretlands helltist er úr leik í leiðtogakjöri Íhaldsflokksins eftir að niðurstöður nýjustu atkvæðagreiðslu flokksins liggja fyrir.

Boris Johnson, fyrrverandi utanríkisráðherra, styrkti stöðu sína á toppnum og fékk 157 atkvæði. Þar á eftir koma Michael Gove utanríkisráðherra með 61 atkvæði og Jeremy Hunt núverandi utanríkisráðherra með 59 atkvæði. Javid fékk fæst atkvæði, 34 talsins, og fer því ekki áfram í næstu umferð.

Síðdegis verða aftur greidd atkvæði á milli þeirra þriggja sem eftir standa og þá er búist við að annað hvort Gove eða Hunt hellist úr lestinni. Von er á niðurstöðum úr þeirri atkvæðagreiðslu um klukkan 18:15 að staðartíma, 17:15 að íslenskum tíma. Stóra spurningin er hvert atkvæðin sem Javid hlaut fara.

Þegar sú niðurstaða verður kunn fer fram alls­herj­ar­kosn­ing milli leiðtogaefnanna tveggja meðal 160.000 flokksmanna Íhalds­flokks­ins og von er á að niðurstaða liggi fyr­ir 22. júlí.

Frétt BBC

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt