Hitabeltisstormurinn Barry að ná styrk fellibyls

Gervihnattarmynd af hitabeltisstorminum Barry í Mexíkóflóa, sem tekin var í ...
Gervihnattarmynd af hitabeltisstorminum Barry í Mexíkóflóa, sem tekin var í dag. Barry kann að ná fellibylsstyrk í kvöld eða fyrramálið. AFP

Hitabeltisstormurinn Barry kann að ná styrk fellibyls í kvöld eða snemma í fyrramálið á þeim tíma sem hann nálgast strendur Louisiana-ríkis, samkvæmt upplýsingum frá felli­byljamiðstöðinni í Miami, Nati­onal Hurrica­ne Center (NHC).

Barry er nú úti á Mexíkóflóa, um 220 km suðaustur af Morgan City í Louisiana, og er vindhraðinn 85 km/klst. Búist er við að hann gangi á land vestur af New Orleans, en þar hefur þrumuveður og flóð vegna úrhellisrigninga þegar gert nokkurn usla.

„Það má búast við hættulegum sjávarflóðum, úrhellisrigningu og miklum vindi,“ hefur Reuters eftir NHC. Þá hafa yfirvöld í Louisiana varað við að vatnshæð árinnar Mississippi geti hækkað allt að sex metra og áin verið hættulega nærri því að rjúfa þá bakka sem nú verja New Orleans.

Neyðarástandi hefur verið lýst yfir og hafa íbúar á þeim landsvæðum sem liggja lágt verið beðnir um að yfirgefa heimili sín.

CNN segir Barry vera fyrsta hitabeltisstorminn sem Bandaríkjamönnum stafar hætta af það sem af er ári.

mbl.is
Námskeið í Reiki Heilun.
Lærðu Reiki fyrir sjálfan þig, Reiki iðkun stuðlar að andlegri og líkamlegri vel...
Gefins rúm.
Gefins hjónarúm 158 x 203 ameríst. Uppl 8984207...
Húsaviðgerðir
https://www.husco.is/...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...