Faðir Boris Johnsons, forsætisráðherra Bretlands, hefur sótt um franskan ríkisborgararétt í viðleitni sinni til að halda réttindum sínum sem borgari Evrópusambandsins eftir að Bretland gekk úr sambandinu.

Frá þessu greinir systir Boris, Rachel Johnson, í nýrri bók sinni, Rake's Progress. Rachel er sjálf einarður Evrópusinni en hún gekk til liðs við Frjálslynda demókrata árið 2017 vegna ósættis með stefnu Íhaldsflokksins í útgöngumálum.

Stanley Johnson, faðir Boris, er fyrrverandi Evrópuþingmaður Íhaldsflokksins en hann kaus gegn útgöngu úr Evrópusambandinu í þjóðaratkvæðagreiðslunni árið 2016. Í bókinni kemur fram að móðir hans hafi fæðst í Versölum í Frakklandi og á því byggi hann umsókn sína. „Þetta eru góðar fréttir, því þá gæti ég orðið frönsk líka,“ segir Rachel Johnson.

Sunday Times

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt