Alls létust 134 af völdum kórónuveirunnar í Rússlandi síðasta sólarhringinn og nýskráð staðfest smit á sama tíma voru 8.984.
Alls eru 5.859 látnir af völdum kórónuveirunnar í Rússlandi og staðfest smit eru 467.673 talsins. Staðfest smit eru eingöngu fleiri í Bandaríkjunum og Brasilíu.
Efnahagur landsins er í lamasessi vegna strangra aðgerða í kjölfar útbreiðslu kórónuveirunnar.
Af þeim sökum er Vladimir Pútín, forseti Rússlands, sögulega óvinsæll í embætti.
„Ég trúi honum ekki lengur,“ segir Milana, rússnesk kona, um forsetann í samtali við blaðamann BBC.
„Ég treysti honum ekki,“ bætir hún við.