Leifar af taugaeitri, sem var notað til að eitra fyrir rússneska stjórnarandstæðingnum Alexei Navalní, fundust á vatnsflösku í hótelherbergi þar sem Navalní gisti skömmu áður en hann veiktist.  

Navalní hné niður þegar hann var í flugi yfir Síberíu í ágúst. Þýsk stjórnvöld segja að honum hafi verið byrlað taugaeitrið Novichok, sem er skilgreint sem efnavopn. 

Í fyrstu var talið að eitrað hafi verið fyrir honum á flugvellinum, að því er BBC greinir frá. 

„Nú skiljum við. Þetta var gert áður en hann yfirgaf hótelherbergið til að fara á flugvöllinn,“ segir í færslu sem var birt á Instagram-reikningi Navalnís. 

Navalní sést hér ásamt fjölskyldu sinni á sjúkrahúsi í Berlín, en myndina birti hann á Instagram í gær. AFP

Navalní, sem er nú undir eftirliti lækna í Berlín í Þýskalandi, hefur verið einn þekktasti og háværasti stjórnarandstæðingurinn í Rússlandi. Hann hefur m.a. verið mjög gagnrýninn á Pútín Rússlandsforseta. 

Stuðningsmenn og samstarfsmenn Navalnís halda því fram að Pútín hafi fyrirskipað tilræðið. 

Stjórnvöld í Rússlandi neita þessu hins vegar alfarið og segja að læknar hafi ekki fundið neitt sem sýni fram á og sanni að taugaeitur hafi verið notað. 

Tengdar fréttir

Al­ex­ei Navalní

Árásin á Volkov „líklega“ skipulögð af Rússum

• Ráðist á samstarfsmann Navalnís í Litáen
• Heimsótti gröf sonar síns
• „Við munum ekki fyrirgefa“
• Á fimmta tug handtekin

» Fleiri tengdar fréttir

• Blogga um frétt