Samningur í höfn hjá Bretum og ESB
Setja bókamerki
Bretar og Evrópusambandið hafa náð samkomulagi um viðskiptasamning vegna útgöngu Breta úr ESB, Brexit. Þetta var tilkynnt rétt í þessu.
Samningamenn beggja aðila hafa lokið við samninginn og mun Ursua von der Leyen, forseti framkvæmdastjórnar ESB, tjá sig fljótlega á blaðamannafundi.
„Samningur er í höfn,“ sagði talsmaður bresku ríkisstjórnarinnar.
Boris ávarpar þjóð sína
Boris Johnson ávarpaði þjóð sína núna á fjórða tímanum og fagnaði því að samningurinn væri í höfn. Eftir að hafa lofað þá sem að samningsviðræðunum komu og boðað bjartari tíma vegna glænýs samnings sagði hann að nú yrði allri athygli stjórnvalda beint að því að lágmarka skaðann af kórónuveirunni og halda áfram bólusetningum um land allt. Staða faraldurins í Bretlandi hefur farið versnandi núna í aðdraganda jóla.
„Klukkan tifar ekki lengur“
Michel Barnier, aðalsamningamaður ESB, sagði að það væri bæði sorglegt og mikill léttir að ná samningum um útgöngu Breta. Erfitt væri að bera saman það sem á undan hefur gengið og það sem fram undan er.
Hægt er að fylgjast með gangi mála á vefsíðu BBC
Beint: Frambjóðendur skila inn listum
Skemmtiferðaskip hætt komið nærri Viðey
Væri að ljúga ef ég segðist ekki stressaður
Nemendur í HÍ reistu tjaldbúðir án leyfis
„Höfum ekki náð að skríða upp úr þeirri gryfju“
Kaldasti veturinn kom að óvörum