Telja mikla hættu geta stafað af ómíkron-afbrigðinu fyrir Evrópu

Sóttvarnarstofnun Evrópu benti á í ógnarmatsskýrslu að enn væri „talsverð …
Sóttvarnarstofnun Evrópu benti á í ógnarmatsskýrslu að enn væri „talsverð óvissa tengd smittíðni, virkni bóluefnis, hættu á endursýkingum og öðrum eiginleikum Omicron afbrigðisins“. AFP

Heilbrigðisstofnun Evrópusambandsins varaði við því í kvöld að nýja afbrigði Covid-19, sem kennt er við ómíkron og fannst upphaflega í Suður-Afríku, hafi í för með sér „mikla til mjög mikla“ hættu fyrir Evrópu.

Sóttvarnarstofnun Evrópu benti á í ógnarmatsskýrslu að enn væri „talsverð óvissa tengd smittíðni, virkni bóluefnis, hættu á endursýkingum og öðrum eiginleikum ómíkron-afbrigðisins“.

Möguleiki á að núverandi bóluefni veiti ekki vernd gegn afbrigðinu

Miðað við möguleikann á því að núverandi bóluefni muni mögulega ekki veita vernd gegn afbrigðinu og þá staðreynd að það gæti verið auðveldara að smitast „metum við líkurnar á frekari innleiðingu og útbreiðslu samfélagsins innan ESB/EES sem miklar,“ sagði stofnunin í Stokkhólmi í kvöld.

„Í aðstæðum þar sem Delta afbrigðið er endurvakið í ESB/EES gætu áhrifin af innleiðingu og hugsanlegri frekari útbreiðslu ómíkron verið mjög mikil,“ bætti hún við.

Fyrir utan Suður-Afríku hefur ómíkron greinst í Ísrael í einstaklingi sem kemur frá Malaví sem og í Botsvana, Hong Kong og ESB- aðildarríkinu Belgíu.

mbl.is

Bloggað um fréttina