Enn er málningu skvett á listaverk

Hópur loftlagsaðgerðarsinna skvetti appelsínugulri málningu yfir útistyttu eftir bandaríska listamanninn Charles Ray í miðborg Parísar. Þetta er enn eitt spellvirkið þar sem málningu, kartöflumús eða öðru er kastað á heimsfræg listaverk til þess að beina athygli fólks að loftlagsmálum.

Frétt af mbl.is

Köstuðu kartöflustöppu á Monet-listaverk

Styttan Hesturinn og knapinn stendur fyrir framan nútímalistasafnið Bourse de Commerce þar sem safn hátískufatnaðar eftir franska milljarðamæringinn Francois Pinault er meðal annars til húsa.

Franski menningarmálaráðherrann Rima Abdul-Malak talar við starfsmann sem var að hreinsa málninguna af styttunni í dag. AFP/Alan Jocard

Samtökin Derniere Renovation sem lauslega mætti þýða sem Síðasti séns lýstu ábyrgð á verknaðinum á hendur sér, en á vefsíðu samtakanna var mynd af tveimur meðlimum sem héldust í hendur og krupu fyrir framan styttuna.

Aðgerðarsinnarnir höfðu einnig sett hvítan bol á knapa styttunnar þar sem á stóð: „Við eigum 858 daga eftir“ sem vísar til rannsóknar að ef árið 2025 hafi losun gróðurhúsaloftegunda ekki náð hámarki og þróuninni snúið við þá muni jörðin ekki verða lífvænleg í framtíðinni.

„Loftlags-spjöll“ hafa færst í aukana, sagði menningarráðherrann Rima Abdel Malak á Twitter í dag.

Frétt af mbl.is

Skvettu súpu á Sólblóm Van Gogh

Aðgerðasinnanir hafa nú beint spjótum sínum að listaverki Andy Warhol í Mílanó, Vincent van Gogh í Róm og Vermeer í Haag og Van Gogh aftur í London.

Aðgerðirnar hafa ekki vakið mikla ánægju þótt óneitanlega hafi verið tekið eftir þeim.

• Blogga um frétt