Varnir stórefldar í Japan

Hugmyndin er að á næstu fimm árum verði fjárframlög til varnarmála í Japan orðin 56% hærri en þau eru í dag og muni þá ná 318 milljörðum dollara eða um 44 þúsund milljörðum íslenskra króna og fimm hundruðum milljónum betur. 

Samkvæmt AFP-fréttaveitunni eru Japanir á varðbergi gagnvart nágrönnum sínum Norður-Kóreu og Kína. 

Yasukazu Hamada varnarmálaráðherra staðfesti við þarlenda fjölmiðla að málið væri í undirbúningi. Með þessari upphæð geti Japan styrkt varnir sínar verulega. 

Síðustu áratugina hefur Japan eytt minna til varnarmála en þjóðir innan NATO sé miðað við hlutfall af landsframleiðslu.