Fimm börn voru á meðal tíu manns sem fórust í eldsvoða í sjö hæða fjölbýlishúsi í úthverfi borgarinnar Lyon í austurhluta Frakklands.
Óljóst er um upptök eldsins, að sögn yfirvalda, en eldurinn braust út upp úr klukkan tvö í nótt.
Fjórtán slösuðust, þar af einn alvarlega.
Tveir slökkviliðsmenn hlutu minniháttar meiðsli þegar þeir reyndu að ráða niðurlögum eldsins, sem kviknaði á jarðhæð byggingarinnar.
Næstum 170 slökkviliðsmenn tóku þátt í slökkvistarfinu.