Aldrei fleiri hermenn fallið á einum degi
Setja bókamerki
Ísraelsher segir að 24 hermenn hafi verið drepnir á Gasasvæðinu í gær, sem er mesta mannfall hermanna síðan herinn réðst inn á Gasasvæðið 27. október.
Flestir hermannanna létust þegar sprengjuárás var gerð á skriðdreka og byggingu, að sögn Daniels Hagari, talsmanns hersins.
Hann sagði leit að fórnarlömbunum hafa staðið lengi yfir og gaf í skyn að líkin hefðu verið grafin undir rústum.
Ísraelar hófu umfangsmiklar aðgerðir gegn Hamas á Gasasvæðinu eftir að liðsmenn samtakanna gerðu árás í Ísrael 7. október.
Benjamín Netanjahú, forsætisráðherra Ísraels, segir að herinn hafi hafið rannsókn á dauða hermannanna.
„IDF (Ísraelsher) hefur hafið rannsókn á þessum hörmulega atburði. Við verðum að draga nauðsynlegan lærdóm af þessu og gera allt sem við getum til að halda hermönnunum okkar á lífi,” sagði Netanjahú í yfirlýsingu.
Tók barn upp úr innkaupakerru móður
Kíghósti á töluverðri dreifingu í samfélaginu
Keppanda aldrei verið vísað úr keppni áður
Rampur númer 1.100 vígður í dag
Býst við miklu tjóni vegna eldsvoðans
Alvarlegt ofbeldisbrot til rannsóknar
Kynnir nýja stefnu í málefnum landamæra í sumar