Trump tókst að útvega 25 milljarða
Setja bókamerki
Donald Trump, fyrrverandi Bandaríkjaforseti, greiddi 175 milljónir bandaríkjadala í tryggingafé, eða tæpa 25 milljarða króna, vegna dómsmáls í ríkinu New York.
Með þessu komst hann hjá því að eignir hans yrðu mögulega gerðar upptækar. Um er að ræða tryggingafé vegna áfrýjunar hans í fjársvikamáli.
Í síðustu viku lækkaði áfrýjunardómstóll í New York greiðslu tryggingafjár sem Trump þurfti að inna af hendi úr 454 milljónum bandaríkjadala í 175 milljónir. Fékk hann tíu daga frest til greiða upphæðina.
Tryggingafyrirtæki frá ríkinu Kaliforníu, Knight Speciality Insurance Company, veitti Trump líflínuna, að því er kemur fram í dómsskjölum sem voru gerð opinber í morgun.
Trump og fyrirtæki hans voru fundin sek um að hafa á ólöglegan hátt látið líta út fyrir að ríkidæmi hans væri meira en það var og ýkt þannig virði eigna hans í von um að fá betri kjör á bankalánum eða tryggingum.
Halla Hrund tekur forystu í könnun
„Mjög ánægður með útkomuna“
„Þakklátur að hanga í toppsætunum“
Atvinnuhúsnæði ekki keypt upp í Grindavík
Fullyrðir að kindurnar beri ekki eftirlitslausar
Hægist á eftir mikinn uppgang
Ökuníðingur enn í haldi – „Mildi að ekki fór verr“
Níu milljónir í auglýsingar til erlendra miðla