Rapparinn Nicki Minaj látin laus en tónleikum aflýst

Bandaríski rapparinn heimsfrægi, Nicki Minaj, hefur verið látinn laus á ný eftir að hún var handtekin fyrr í dag á Schiphol flugvellinum við Amsterdam í Hollandi.

Frá þessu greina hollenskir fjölmiðlar en hún var látin laus eftir yfirheyrslu. Minaj var upphaflega í haldi vegna þess að kannabis fannst í farangri hennar en 41 árs gamli rapparinn sleppur við rúmlega 50 þúsund króna sekt.

Ekki er leyfilegt að fara með kannabis frá Hollandi en Nicki Minaj og hennar fólk var á leið til Manchester í Bretlandi þar sem hún átti að halda tónleika í kvöld. Þeim var aflýst vegna uppákomunnar.

Einn af öryggisvörðum hennar heldur því fram að kannabis sem fannst hafi tilheyrt honum.

• Blogga um frétt