Forstjóri Orkuveitu Reykjavíkur segir að ákvörðun Landsvirkjunar um að ganga ekki til samningaviðræðna að sinni við fyrirtæki sem hyggja á byggingu nýrra álvera á Suður- eða Vesturlandi hafi ekki áhrif á orkusölu fyrirtækisins, því eftirspurn sé meiri en framboðið.

Hjörleifur Kvaran, forstjóri Orkuveitu Reykjavíkur, segir að samningar séu í gildi við Alcan vegna álversins í Straumsvík og Norðurál vegna álvers í Helguvík. Ganga þurfi frá fyrirvörum í samningnum við Alcan fyrir næstu áramót og viðræður séu í gangi. Samningurinn hljóði upp á 200 MW og geti Alcan ekki notað alla þá orku sé minnsta mál að selja hana til Helguvíkur eða annað.

Í því sambandi nefnir hann að fleiri fyrirtæki vilji reisa hér netþjónabú en Landsvirkjun sé í viðræðum við og þrjú fyrirtæki hafi sýnt áhuga á að byggja álver í Þorlákshöfn. Reyndar gæti Alcan nýtt hluta rafmagnsins með breytingum í kerskálunum og aukinni framleiðslu án stækkunar.

Tengdar fréttir

Landsvirkjun vill selja orku til netþjónabúa

Sveitarstjórn Flóahrepps samþykkir að auglýsa Urriðafossvirkjun

• OR hefur rætt við tug aðila um orkusölu
• Segir að Landsvirkjun eigi að endurskoða virkjunaráform sín
• Sól á Suðurlandi segir virkjanir og orkusölu tvö mál
• Alcan stendur til boða raforka til að gera skipulagsbreytingar

» Fleiri tengdar fréttir