Ákvæði um 18% stýrivexti

Höfuðstöðvar Alþjóðagjaldeyrissjóðsins í Washington.
Höfuðstöðvar Alþjóðagjaldeyrissjóðsins í Washington.

Seðlabankinn segir, að ákvæði sé í samningi ríkisstjórnar Íslands og sendinefndar Alþjóðagjaldeyrissjóðsins um að hækka stýrivexti í 18%. Þetta kemur fram í athugasemd, sem bankinn hefur sent frá sér. 

Athugasemdin er eftirfarandi: 

Eins og kunnugt er hefur verið litið svo á að samningsgerð (Letter of Intent) á milli ríkisstjórnar Íslands og sendinefndar Alþjóðagjaldeyrissjóðsins sé enn trúnaðarmál. 19. tl. samningssgerðarinnar er þó eðli málsins samkvæmt ekki lengur trúnaðarmál.

Ráðherrar úr ríkisstjórn hafa undrast vaxtahækkun í 18% og hafa jafnframt sagt að ekkert ákvæði um slíka gjörð sé í samningsgerðinni. Í samningsgerðinni segir í 19. tl: „To raise the policy interest rate to 18 percent.“
mbl.is