Appelsínugul og friðelskandi
Setja bókamerki
Stofnuð hefur verið enn ein hreyfing mótmælenda, appelsínugulur. Í tilkynningu frá hópnum segir að Appelsínugulur sé hreyfing friðsamra mótmælenda, sem hafi verið stofnuð í kjölfar ofbeldisverkanna síðustu dagana. Fulltrúi Appelsínugulra gekk í morgun á fund fulltrúa ríkislögreglustjóra og kynnti þeim að mótmælendur sem klæddust appelsínugulu væru ekki ofbeldisseggir og að þeir fordæmdu ofbeldi. Þar af leiðandi táknaði appelsínuguli liturinn hið sama og hvítur fáni, friðsæl mótmæli.
Í tilkynningu hópsins segir að Appelsínugulur sé friðsöm krafa um breytingar, merki að sá sem fer fram með ofbeldi eða skemmdarverkum tali aðeins í eigin nafni. Þá merki Appelsínugulur kröfu um að Alþingi endurnýi umboð sitt frá fólkinu í landinu eins fljótt og auðið er. Appelsínugulur lýsi ekki stjórnmálaskoðun og eigi sér engan málsvara.
Hópurinn hvetur alla friðsama mótmælendur til að merkja sig með appelsínugulum lit og sýna þannig skýrt að þeir taki þátt í friðsömum mótmælum, án ofbeldis, án öfga.
„Höfum ekki náð að skríða upp úr þeirri gryfju“
Nemendur í HÍ reistu tjaldbúðir án leyfis
Vonast til að tjaldbúðir við HÍ standi áfram
„Umsátursástand“
Hvorki sést áður hér á landi né annars staðar
Bergnuminn í Hvalfirði
Skar höfuðleðrið af íslenskri konu