Fréttaskýring: Þurfa breyttar reglur um bankaleyndina

Stjórnendur Nýja Kaupþings ákváðu að falla frá lögbanni á fréttir ...
Stjórnendur Nýja Kaupþings ákváðu að falla frá lögbanni á fréttir um lánabók gamla Kaupþings, vegna þrýstings frá samfélaginu. mbl.is/Golli

Við leggjum mikla áherslu á það að við virðum trúnaðarsambandið við alla viðskiptavini. Eins og þagnarskylduákvæðið er núna ber okkur undantekningalaust að gera það,“ segir Finnur Sveinbjörnsson, bankastjóri Nýja Kaupþings. Á aðfaranótt þriðjudags féllu bankinn og skilanefnd gamla bankans frá lögbannskröfu sinni vegna fréttaflutnings Ríkisútvarpsins af lánabók gamla Kaupþings, sem nú hefur verið birt á netinu.

Finnur kallar þess vegna eftir því að reglum um þagnarskylduna verði breytt, sé það vilji almennings og stjórnmálamanna, svo bankar geti starfað innan þess lagaramma sem þeim er settur, eins og Finnur orðar það. „Það er ekki hægt að skilja þetta eftir í lausu lofti,“ segir hann.

Finnur segir ennfremur að enginn stjórnmálamaður hafi haft beint samband við sig til að þrýsta á um afturköllun lögbannsins. Finnur segir hins vegar að umræða helgarinnar þar sem m.a. tveir ráðherrar og formaður viðskiptanefndar Alþingis tjáðu sig sýni að skiptar skoðanir séu um þagnarskyldu fjármálafyrirtækja.

Rætt í ríkisstjórn

Gylfi Magnússon viðskiptaráðherra ræddi málið í ríkisstjórn í gær, meðal annars þá niðurstöðu lögfræðinga ráðuneytisins að fjölmiðlamenn hafi víðtækar heimildir til þess að fjalla um almannahagsmuni, jafnvel þótt eitthvað af því falli formlega undir bankaleynd.

„Ég tel til dæmis engan vafa leika á því að menn mega upplýsa um það hvað varð bönkunum að falli, óhóflegar lánveitingar og annað slíkt sem hefur verið í umræðunni undanfarna daga,“ segir Gylfi.

Á fundinum lagði Gylfi fram minnisblað um þá vinnu sem hefur farið fram innan viðskiptaráðuneytisins varðandi bankaleynd. Á hann von á að geta lagt fram lagafrumvarp með tillögum um breytingar á bankaleynd í haust. Þar verði tekið á ýmsum álitamálum, þar með talið hvort það þurfi að skýra ákvæði sem snúa að birtingu fjölmiðla á upplýsingum.

Í lánabókinni, sem nú er aðgengileg á vefsíðunni wikileaks.org, eru upplýsingar um lán til 206 viðskiptavina gamla bankans, upphæðir, ábyrgðir og áhættuþætti. Sumir af þessum viðskiptavinum eru enn í dag viðskiptavinir nýja bankans og var það ástæða þess að stjórnendur hans vildu lögbannið.

Aðspurður neitar Finnur Sveinbjörnsson því að borið hafi á úttektum úr bankanum eftir að málið kom upp. Hins vegar hafi borið á óánægju í umræðu helgarinnar. Hætta hafi þess vegna verið á því að ef umræðan héldi áfram á þeim nótum sem hún var, þá hefði það skapað meira tjón en ávinning að halda lögbanninu til streitu.

Vernd uppljóstrara

Í stjórnarskrá Svíþjóðar eru nafnlausir heimildarmenn og þeir sem leka upplýsingum í fjölmiðla, eins og gert hefur verið í tilfelli gamla Kaupþings, vandlega verndaðir og mikil áhersla lögð á að tryggja nafnleysi þeirra.

Í fyrsta lagi er þar lagt bann við því að opinberir aðilar reyni að komast að því hver það er sem hefur lekið upplýsingum. Sé það hins vegar gert, í trássi við prentfrelsisákvæði sænsku stjórnarskrárinnar, getur sá sem það gerir átt von á sektum eða fangelsi allt að einu ári.

Þá er einnig kveðið á um refsingu fyrir þann sem upplýsir um nafn þess sem undir nafnleynd greinir frá upplýsingum sem varða almannahag. Getur sá sem upplýsir um nafnið einnig búist við sektum eða fangelsi allt að einu ári.

Innlent »

Enginn hefur talað við Áslaugu

09:14 „Í dag erum við á sextánda degi frá því að Áslaug Thelma var rekin frá ON. Ennþá hefur hún ekki fengið skýringar á því af hverjum henni var sagt upp.“ Þannig hefst Facebook-færsla Einars Bárðarsonar en eiginkona hans var rekin frá Orku náttúrunnar fyrir rúmum tveimur vikum. Meira »

Gullglyrnur gerðu innrás

08:18 Mikið var af gullglyrnum hér á landi seinni part sumars. „Gullglyrnurnar streymdu yfir landið austanvert. Á Höfn í Hornafirði sáust þær í hverjum garði í ágústmánuði. Smám saman tóku þær að berast vestur eftir landinu allt til höfuðborgarinnar.“ Meira »

Vetrarfærð víða á fjallvegum

08:17 Vetrarfærð er víða á fjallvegum á Suður- og Vesturlandi. Á Hellisheiði er krapi og snjóþekja á Mosfellsheiði og hálkublettir í Þrengslum og Lyngdalsheiði. Hálka er á Holtavörðuheiði og hálkublettir á Bröttubrekku. Meira »

Fjórða atrenna í Aurum-málinu í dag

08:00 Aðalmeðferð í Aurum-holding-málinu svokallað hefst nú í dag fyrir Landsrétti og mun þinghald standa í tvo daga. Málið hefur verið tekið fyrir á öllum dómstigum og er þetta í fjórða skiptið sem málið kemur til úrlausnar dómstóla. Meira »

Ríkið hætti að reka fríhöfn

07:57 Fjórir þingmenn Sjálfstæðisflokksins hafa lagt fram frumvarp á Alþingi sem kveður á um að ríkið, í gegnum Isavia ohf. og dótturfélag þess Fríhöfnina ehf., hætti að reka verslanir með tollfrjálsar vörur í smásölu í Flugstöð Leifs Eiríkssonar. Meira »

Leigan 190 þúsund á mánuði

07:39 Miðsvæðis í Reykjavík leigist tveggja herbergja íbúð á um 190.000 kr. á mánuði að meðaltali. Hvergi á Norðurlöndunum er að finna jafnhátt leiguverð í höfuðborg og hér á landi. Aftur á móti er húsnæðisverð í Reykjavík lægra en í flestum höfuðborgum Norðurlandanna. Meira »

Lengd ganganna orðin 3.658 metrar

07:37 „Gríðarlega vel hefur gengið að grafa Dýrafjarðargöng. Nú eru verktakarnir Metrostav a.s. og Suðurverk hf. búnir að sprengja Arnarfjarðarmegin og munu gangamenn nú færa sig yfir í Dýrafjörð og klára verkið þaðan.“ Meira »

Sóttu veikan farþega

06:52 Áhöfn þyrlu Landhelgisgæslunnar sótti veika konu um borð í skemmtiferðarskip fyrir austan land í gærkvöldi og var hún flutt á Egilsstaði. Meira »

Þjónustan ókeypis fyrir börn

06:42 Barnasálfræðingar eru starfandi á öllum heilsugæslustöðvum höfuðborgarsvæðisins og nú í september eru komnir sál­fræðing­ar á sex af 15 heilsu­gæslu­stöðvum á svæðinu og sjö­unda stöðin bæt­ist við í des­em­ber, segir Agnes Agn­ars­dótt­ir, yf­ir­sál­fræðing­ur Heilsu­gæslu höfuðborg­ar­svæðis­ins. Meira »

Snjókomu spáð á Hellisheiði

06:24 Spáð er slyddu eða snjókomu til fjalla á Norður- og Norðausturlandi með morgninum og versnandi akstursskilyrðum. Einnig má búast við snjókomu um tíma á Hellisheiði. Lögreglan á Akureyri leitaði eftir aðstoð verktaka við að festa þakplötur í nótt eftir að þar hvessti skyndilega eftir miðnætti. Meira »

Ökumaður í vímu með hótanir

06:06 Lögreglan handtók ökumann í austurhluta Reykjavíkur eftir miðnætti í nótt og gistir hann fangaklefa fyrir að aka bifreið undir áhrifum fíkniefna og áfengis. Jafnframt fyrir að hóta lögreglu og fara ekki að fyrirmælum hennar. Meira »

Borga „heilt raðhús“ fyrir leyfin

05:30 Reglugerð um rafrettur sem Svandís Svavarsdóttir heilbrigðisráðherra setti í byrjun mánaðarins leggst ekki vel í kaupmenn. Sér í lagi sá hluti hennar er snýr að tilkynningarskyldu og gjaldi sem inna þarf af hendi. Meira »

Hvorki fagleg né formleg

05:30 Jón Gunnarsson, þáverandi samgöngu- og sveitarstjórnarráðherra, setti í mars 2017 á stofn starfshóp sem átti að greina verkefni Samgöngustofu. Starfshópurinn skilaði af sér áfangaskýrslu í október á síðasta ári en ekki hefur farið mikið fyrir vinnu með tillögur skýrslunnar í ráðuneytinu. Meira »

Norðurljósin heilla enn ferðafólk

05:30 Enn er ekkert lát á áhuga erlendra ferðamanna á því að kynna sér norðurljós á Íslandi. Þetta segir Þórir Garðarsson, stjórnarformaður ferðaþjónustufyrirtækisins Gray Line. Meira »

Ógildingu íbúakosningar hafnað

05:30 Tveir annmarkar voru á undirbúningi íbúakosningar um skipulagsmál í sveitarfélaginu Árborg í sumar, en hvorugur þeirra hefði getað haft áhrif á niðurstöður atkvæðagreiðslunnar. Meira »

Fyrirtækin yrðu ógjaldfær

05:30 Lánaheimildir Símasamstæðunnar eru langtum lægri en þær heimildir sem Gagnaveita Reykjavíkur virðist hafa, en Síminn keppir við Gagnaveituna í gegnum dótturfélag sitt Mílu í lagningu ljósleiðara. Meira »

Vilja upplýsingar um hvalveiðar

05:30 Hvalveiðum sumarsins lauk í fyrrinótt og liggja hvalbátarnir nú við Ægisgarð.   Meira »

Varað við versnandi akstursskilyrðum

Í gær, 23:40 Spáð er allhvassri eða hvassri suðvestanátt norðan til á landinu fram á nótt samkvæmt upplýsingum frá Veðurstofu Íslands, en slyddu eða snjókomu til fjalla á morgun með versnandi akstursskilyrðum í þeim landshluta. Meira »

Manni bjargað úr sjónum

Í gær, 21:43 Tilkynning barst lögreglunni á Húsavík rétt fyrir klukkan átta í kvöld um að karlmaður væri í sjónum í Eyvík út af Höfðagerðissandi sem er um fimm kílómetra frá bænum. Ekki var vitað á þeirri stundu hvernig maðurinn lenti í sjónum. Meira »