Mögulegt að fleiri látist

„Ef að líkum lætur er þessu ekki lokið,“ segir Haraldur Briem smitsjúkdómalæknir, spurður hvort flensan geti leitt til fleiri dauðsfalla.

Átján ára fjölfötluð stúlka lést af völdum svínaflensunnar á Barnaspítala Hringsins í gær. Talið er að langvinnur lungnasjúkómur sé meginorsök andláts hennar.

Bóluefnið sem kom til landsins í fyrri viku þykir skila góðri svörun. Bólusetningu heilbrigðisstarfsfólks er að ljúka og nú er komið að lögreglu- og slökkviliðsmönnum, björgunarsveitum, þingmönnum, ráðherrum og æðstu embættismönnum.