Kosið um sameiningu Bæjarhrepps og Húnaþings vestra

mbl.is/Ómar

Kosningar um sameiningu sveitarfélaganna Bæjarhrepps og Húnaþings vestra fara fram laugardaginn 3. desember næstkomandi. Kjörstaðir verða bæði á Hvammstanga og á Borðeyri.

Fram kemur í tilkynningu á vef innanríkisráðuneytisins að sameining sveitarfélaganna tveggja hafi verið til umfjöllunar undanfarin misseri. Í Húnaþingi vestra eru liðlega 1.100 íbúar en kringum 100 manns búa í Bæjarhreppi. Haldnir hafa verið fundir með íbúum beggja sveitarfélaganna til að fjalla um fyrirhugaða sameiningu og fyrir liggur skýrsla KPMG þar sem fjallað er um áhrif sameiningar.

Vefur ráðuneytisins.

mbl.is

Bloggað um fréttina