Vilborg komin á suðurpólinn

Ferð Vilborgar gekk í öllum aðalatriðum vel, en síðustu dagar ...
Ferð Vilborgar gekk í öllum aðalatriðum vel, en síðustu dagar hafa þó verið erfiðir. M.a. hefur magakveisa verið að þjá hana.

Vilborg Arna Gissurardóttir lauk í dag ferð sinni á suðurpólinn. Hún gekk 1140 km á skíðum, en það tók hana 60 daga að komast á pólinn. Vilborg er fyrsti Íslendingurinn í sögunni til að ganga á suðurpólinn ein síns liðs.

Vilborg náði á pólinn um kl. 23 að íslenskum tíma eða um kl. 21 að staðartíma. Elín Sveinsdóttir, sem verið hefur Vilborgu innan handar hér á landi, segir að fyrsta verk Vilborgar eftir að hún var kominn á pólinn hafi verið að hringja í ættingja sína. Dagurinn hafi verið erfiður hjá henni, en hún sé glöð með að hafa náð markmiði sínu.

Vilborg gekk í dag um 18 km í um 26 stiga frosti. Síðustu dagar hafa reynst Vilborgu erfiðir enda hafa veður og aðstæður allar verið óhagstæðar en þar að auki hefur Vilborg glímt við magakveisu og lítilsháttar kal á lærum.

Vilborg áætlaði fyrirfram að það tæki hana 50 daga að ganga á pólinn.  Aðstæðurnar hafa gert það að verkum að hún hefur þurft að ganga tíu dögum lengur en fyrstu áætlanir hennar gerðu ráð fyrir. 

Safnar fyrir styrktarfélag Kvennadeildar LSH

Jákvæðni, áræðni og hugrekki Vilborgar á þessari einstöku vegferð hefur skilað sér heim til Íslands, enda hefur áheitasöfnun hennar í þágu Lífs styrktarfélags Kvennadeildar Landspítalans tekið kipp á síðustu dögum. Nú hafa safnast um 5 milljónir króna og munar þar mestu um framlag verslunarkeðjunnar Iceland sem gaf eina milljón króna til söfnunarinnar seint á síðasta ári. 

Númer söfnunarinnar er 908 15 15 og dragast þá 1500 kr af símreikningi. Einnig er hægt að heita á spor hennar með frjálsum framlögum á heimasíðu Vilborgar www.lifsspor.is.

Vilborg ætlar að gista eina nótt á pólnum og verður síðan flutt með flugi á Union Glacier,  en þar er að finna bækistöðvar langflestra Suðurpólsfara. Búast má við að Vilborg dvelji í Union Glacier í nokkra daga eða þar til hún nær flugi til Punta Arena í Chile en þangað flaug hún upphaflega frá London í byrjun nóvember á síðasta ári.

Útlit er fyrir að Vilborg Arna komi loks heim til Íslands um aðra helgi.

10 ára gamall draumur

Vilborg er 32 ára gömul ferðamálafræðingur að mennt. Hún hefur frá 14 ára aldri starfað við ferðaþjónustu s.s. sem hótelstarfsmaður, leiðsögumaður, við markaðsmál og uppbyggingu á ferðaþjónustu í dreifbýli. Hún hefur auk þess komið að skipulagningu ferða og leiðangra, bæði hér á landi og í óbyggðum Grænlands.

Það eru 10 ár síðan Vilborg lét sig fyrst dreyma um að ganga á suðurpólinn. Leiðangur á þennan fjarlæga stað krefst gríðarlegs undirbúnings, aðhalds og aga.

Áður hafa þrír Íslendingar gengið á suðurpólinn, en það eru þeir Haraldur Örn Ólafsson, Ólafur Örn Haraldsson og Ingþór Bjarnason. Þeir náðu þessum áfanga á nýársdag árið 1998.

Vilborg Arna Gissurardóttir var 60 daga á göngu.
Vilborg Arna Gissurardóttir var 60 daga á göngu. mbl.is
mbl.is

Innlent »

Smíða síðustu bobbingana

19:11 „Við erum bara á síðustu metrunum og ég sé ekki annað en að tæki og tól fari í brotajárn, sem er bara hreinasta hörmung,“ segir Þórarinn Kristjánsson, framkvæmdastjóri Stáldeildarinnar á Akureyri. Meira »

60 þúsund á mánuði fyrir bókaskrif

19:00 Rithöfundur sem selur 1.500 eintök af bók sinni fær í sinn hlut tæpa eina og hálfa milljón króna í verktakalaun. Að baki getur legið tveggja ára vinna. Hvert fara þá allir peningarnir? Meira »

Hlýnun jarðar kallar á aukið samstarf

18:42 Alþjóðlegt vísindasamstarf er forsenda þess að unnt verði að skilja og bregðast við afleiðingum hlýnunar jarðar á umhverfi og samfélög á norðurslóðum. Þetta sagði Lilja Alfreðsdóttir mennta- og menningarmálaráðherra er hún ávarpaði gesti á þingi Hringborði norðursins. Meira »

Æfðu björgun við krefjandi aðstæður

18:30 Slökkviliðsmenn frá Laugarvatni og Reykholti æfðu björgun í virkjunum Landsvirkjunar og Orku náttúrunnar á Nesjavöllum í gær. Æfingunum er ætlað að viðhalda þekkingu viðbragðsaðila þegar eitthvað kemur upp á í þessum tilteknu kringumstæðum. Meira »

Gangi út fyrir sig og aðrar konur

17:59 „Við erum að núna að setja kröfuna á atvinnurekendur og opinberar stofnanir um að það verði raunverulega settir í gang ferlar og verklagsferlar. Eins og hefur komið í ljós væri synd að segja að þetta sé allt saman komið í lag,“ segir Maríanna Clara Lúthersdóttir, verkefnastýra Kvennafrís 2018. Meira »

Eldur í rusli í Varmadal

16:28 Slökkviliðinu á höfuðborgarsvæðinu fór á fimmta tímanum í dag í útkall vegna elds í rusli og smádóti í Varmadal á Kjalarnesi. Samkvæmt upplýsingum frá slökkviliði var í fyrstu talið að um húsbruna væri að ræða. Dregið var úr viðbúnaði eftir að annað kom í ljós. Meira »

Föðursystirin var ekki böðull

16:00 Þegar Burt Reynolds dó uppgötvaði undirrituð að hann var ekki Tom Selleck. Þar til þá hafði ég haldið að þeir væru einn og sami maðurinn. Um daginn hitti ég mann og þurfti að útskýra fyrir honum að Stefán Hilmarsson og Sigmundur Ernir væru ekki hálfbræður. Hann hafði líka haldið það hálfa ævina. Meira »

Aðgerðir vegna aukningar í nýgengi örorku

15:45 Nýgengi örorku og fyrirbyggjandi aðgerðir voru til umræðu á Þingvöllum á K100 í morgun en gestir Páls Magnússonar, þingmanns og þáttastjórnanda, voru þau Ásmundur Einar Daðason, félags- og jafnréttismálaráðherra, Vigdís Jónsdóttir, framkvæmdastjóri Virk starfsendurhæfingarsjóðs, og Þórunn Gunnarsdóttir, iðjuþjálfi frá Virk. Meira »

Vill sjá meiri samvinnu Hafró og útgerða

15:22 „Öðru fremur hefur það verið pólitíkin og þessi pólitíski rétttrúnaður um það að aldrei megi leita að neinu úr smiðju útvegsmanna, sem hefur verið til skaða,“ segir Binni í Vinnslustöðinni. 200 mílur tóku hann tali í vikunni vegna fyrirhugaðrar loðnuleitar, en enginn kvóti hefur verið gefinn út fyrir loðnuvertíðina eftir að ekki fannst nægt magn af loðnu í loðnuleiðangri Hafrannsóknastofnunar. Meira »

Jón fyrirgefur ljót skrif um sig

14:53 Jón Steinar Gunnlaugsson lögmaður hefur ákveðið að fyrirgefa konunum sem létu ljót ummæli falla um hann í lokaða Facebook-hópnum „Karlar að gera merkilega hluti“. Jón Steinar skrifaði grein í Morgunblaðið á föstudaginn þar sem hann sagði frá ummælunum. Meira »

Sóttu mikið slasaðan skipverja

14:48 Þyrla Landhelgisgæslunnar, TF-GNÁ, var kölluð út til þess að sækja mikið slasaðan skipverja filippeysks flutningaskips nú fyrir hádegi. Skipið var statt um 60 sjómílur suðaustan við Vestmannaeyjar þegar þyrlu Landhelgisgæslunnar bar að á ellefta tímanum í dag. Meira »

Ekki eins og rúða í stofuglugganum

14:28 Brot í rúðu flugstjórnarklefa í farþegavél Icelandair sem kom upp í flugi frá Orlando til Reykjavíkur í gær var aðeins í ysta lagi rúðunnar, sem er eitt lag af mörgum. Þetta segir Guðjón Arngrímsson, upplýsingafulltrúi Icelandair í samtali við mbl.is. Meira »

Mál Áslaugar enn til skoðunar

13:13 Mál Áslaugar Thelmu Einarsdóttur, sem var sagt upp störfum sem forstöðumanni einstaklingsmarkaðar Orku náttúrunnar, er enn til skoðunar hjá innri endurskoðun Reykjavíkurborgar og hefur hún ekki fengið skýringar á því hvers vegna henni var sagt upp. Þetta skrifar Einar Bárðarson, eiginmaður Áslaugar Thelmu, á Facebook í dag. Meira »

Mun ekki höfða mál gegn femínistunum

12:37 Jón Steinar Gunnlaugsson lögmaður ætlar ekki að höfða mál gegn femínistunum sem höfðu um hann ljót ummæli á lokaða Facebook-svæðinu „Karlar gera merkilega hluti“. Jón Steinar var gestur Páls Magnússonar í þjóðmálaþættinum Þingvöllum á K100 í morgun. Meira »

Ójöfn lýsing á Reykjanesbraut

10:26 Vegfarendur á Reykjanesbraut hafa gert athugasemdir við nýja ljósastaura sem settir hafa verið upp við veginn. Ljósið sé mjög skært við staurana en algert myrkur sé þess í milli. Svæðisstjóri hjá Vegagerðinni segir að tekin hafi verið meðvituð ákvörðun um að uppfylla ekki lýsingarstaðla. Meira »

Miklar skemmdir á rúðunni

10:24 Flugáhugamaður og ljósmyndari hefur birt mynd af skemmdunum sem urðu á rúðu farþegavélar Icelandair þegar hún var á leið frá Orlando í Flórída til Keflavíkur aðfaranótt laugardags. Meira »

Gul viðvörun víða um land

08:59 Gul viðvörun er í gildi víða um land, en 980 mb lægð er stödd úti fyrir Húnaflóa og í nótt var suðvestanhvassviðri eða stormur á landinu. Þessu hafa fylgt miklar rigningar, en búast má við að snjói á fjallvegum norðvestan til og norðan til á landinu. Meira »

Stúlkurnar eru fundnar

07:40 Stúlk­urn­ar þrjár sem lög­regl­an lýsti eft­ir seint í gær­kvöld eru komn­ar í leitin­ar. Lög­regl­an á Suður­landi til­kynnti það á face­booksíðu sinni klukk­an fimm í nótt að þær væru komn­ar fram. Meira »

Ók bíl inn verslun og stakk af

07:36 Um ellefuleytið í gærkvöldi var bifreið ekið inn í verslun í Breiðholti. Engan sakaði en ökumaðurinn lét sig hverfa af vettvangi. Þegar lögreglan hafði samband við eiganda bifreiðarinnar kom hann af fjöllum og hafði ekki áttað sig á því að bifreiðin hafði verið tekin ófrjálsri hendi. Meira »
EAE Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...
Infrarauður Saunaklefi -Tilboð 299.000 ef greitt er inn á 30.000 í okt ( kemur eftir cirka 4 vikur ) annars 329.000
Er á leiðinni færð á Tilboði 299.000 ef greitt er inn á 30.000 í sept( kemur eft...
ALVÖRU KERRUR FYRIR ATHAFNAFÓLK
Vorum að fá sendingu m.a. af 2 tonna og 2,6 tonna kerrum, tveggja öxla, möguleik...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...