Lifandi snákur í Krónunni

Lifandi kornsnákur fannst í Krónunni við Vallakór í Kópavogi í morgun. Að sögn Sigríðar Valdimarsdóttur, verslunarstjóra, varð viðskiptavinur var við snákinn í morgun. Dýrið var klófest og hefur meindýraeyðir fargað honum.

Að sögn Sigríðar er nú unnið að því að kanna hvaðan dýrið kom og eru myndir úr eftirlitsmyndavélum skoðaðar í því samhengi. Snákurinn er sagður hafa verið um 20 sentímetrar að lengd, brúnn og gulur að lit. Talið er að snákurinn sé kornsnákur.

Lítið var að gera í búðinni í morgun og því olli snákurinn ekki miklu uppþoti.

Frétt mbl.is: „Mamma, það er snákur hérna.“

• Blogga um frétt