Sér mat í hillingum eftir Ermarsundið

Sigrún á sundi í gær.
Sigrún á sundi í gær. Af Facebook

„Ég hef það andlega fínt en líkamlega er ég alveg búin á því. Munnurinn allur saltur og ég get varla hreyft hendurnar en það lagast. Ég er alveg rosalega stolt og ánægð,“ segir Sigrún Þuríður Geirsdóttir en í gærkvöldi varð hún fyrsta íslenska konan til þess að synda yfir Ermarsund.

Sigrún var 23 og hálfa klukkustund að klára sundið og kom í mark í Frakklandi rétt fyrir miðnætti að íslenskum tíma.

Aðspurð hvað hún ætli sér að gera í dag er svarið einfalt. „Ég ætla að borða og borða. Ég varð sjóveik eftir að hafa synt í fimm og hálfan tíma og ég borðaði rosalega lítið. Ég lifði á kóki, jelly babies og súkkulaði í sundi og sé mat í hillingum núna,“ segir Sigrún og hlær.

Þetta er ekki í fyrsta sinn sem Sigrún tekst á við Erm­ar­sundið. Þannig synti hún á síðasta ári boðsund yfir sundið ásamt Helgu Sig­urðardótt­ur, Cor­innu Hoff­mann, Hörpu Hrund Berndsen og Sæ­dísi Rán Sveins­dótt­ur og árið 2013 með Sæk­ún­um

Grét yfir kveðjum vina og vandamanna

Eftir að hún kláraði sundið í gærkvöldi tók við þriggja tíma sigling frá Frakklandi aftur til Dover í Englandi. „Við vorum ekki komin aftur á hótel fyrr en klukkan sex í morgun þannig að ég svaf í svona fjóra tíma. Núna er ég bara búin að sitja yfir facebookkveðjum vina og vandamanna og gráta yfir öllum stuðningnum sem ég hef fengið.“

Eins og gefur að skilja var Sigrún í marga mánuði að búa sig undir sundið. „Ég er ekki alveg búin að upplifa spennufall, ég er eiginlega enn að melta þetta. Ég hef aldrei synt svona lengi í einu áður. Mesta sem ég hef synt í einu fyrir þetta voru sex tímar en nú var ég í 23 og hálfan tíma. Það er ótrúlegt að hafa haft þrek í það. En eins og ég segi alltaf þá er það hausinn á manni sem skiptir mestu máli. Ég hugsaði að á meðan ég gæti hreyft hendurnar synti ég áfram.“

Matargjafir hægðu á

Aðspurð hvað hún hafi hugsað um í sjónum segir Sigrún að fjölskyldan hafi verið henni efst í huga. „Ég hugsaði mikið um fjölskylduna mína og þakkaði fyrir það sem maður á og það að vera hraust og heilbrigð. Ég fékk líka slæmar hugsanir þegar ég var að örmagnast en þá reyndi ég bara að hugsa um eitthvað jákvætt og fallegt.“

Einu skiptin sem Sigrún hætti að synda voru til þess að borða. „Mér var reglulega réttur brúsi með bandi sem var sveiflað til mín og svo var líka búið að útbúa mál fyrir mig með banana, súkkulaði og brauði. Matargjafirnar gengu rosalega vel en tóku langan tíma. Þá hægðist á mér og mann rekur alveg rosalega langt frá bátnum því það er svo straumhart. Eftir hverja matargjöf þurfti ég að vinna upp smátíma.“

Sigrún segist efast um að hún syndi yfir Ermarsundið aftur. „Ég er ekkert hætt að synda en ég held ég fari Ermarsundið ekki aftur,“ segir hún en hún ætlar að slaka á í Dover næstu daga. „Ég var með svo frábæra áhöfn af vinum og fjölskyldu sem gerðu þetta með mér og hjálpuðu mér í gegnum þetta. Ég ætla að njóta dagsins með þeim, svo komum við heim fljótlega eftir helgi.“

Fyrri frétt mbl.is: Synti yfir Ermarsund

Sigrún Þuríður Geirsdóttir
Sigrún Þuríður Geirsdóttir Af Facebook
mbl.is

Bloggað um fréttina

Innlent »

Harður árekstur á Reykjanesbraut

13:06 Harður árekstur varð á gatnamótum Bústaðarvegar og Reykjanesbrautar um hádegisbil. Samkvæmt upplýsingum frá slökkviliðinu á höfuðborgarsvæðinu skullu lítill fólksbíll og minni sendiferðabíll harkalega saman. Meira »

57 milljóna aukaframlag

12:27 Heilsugæslan á höfuðborgarsvæðinu fær 57 milljóna aukaframlag til að fjölga sérnámsstöðum í heimilislækningum um fimm. Á fjárlögum þessa árs eru 300 milljónir króna ætlaðar til að efla þverfaglega þjónustu heilsugæslunnar. Þetta kynnti Svandís Svavarsdóttir heilbrigðisráðherra í dag. Meira »

Komin með samning við Sjúkratryggingar

12:06 Anna Björnsdóttir, taugalæknir og sérfræðingur í parkinsonsjúkdómi, er komin með samning við Sjúkratryggingar Íslands, en hún fékk tilkynningu þess efnis á föstudag. Meira »

Vilja rannsókn á umframkostnaði á Hlemmi

12:05 Borgarfulltrúar Miðflokksins munu leggja fram tillögu á borgarstjórnarfundi Reykjavíkur á morgun um að fá óháðan aðila til að rannsaka hvers vegna kostnaður við framkvæmdir við endurbætur á Hlemmi mathöll hafi farið langt fram úr kostnaðaráætlun. Meira »

330 milljóna framúrkeyrsla Félagsbústaða

11:53 Ráðist verður í gagngerar endurbætur á starfsemi og innra eftirliti Félagsbústaða í kjölfar úttektar sem gerð var vegna umframkostnaðar við endurbætur á 53 íbúðum Félagsbústaða við Írabakka í Reykjavík. Þetta kemur fram í yfirlýsingu sem stjórn Félagsbústaða sendi frá sér. Meira »

Hótaði að berja lögregluþjón með kylfu

11:29 Embætti héraðssaksóknara hefur ákært karlmann á þrítugsaldri fyrir brot gegn valdstjórninni með því að hafa hótað lögreglumanni líkamsmeiðingum í Grafarvogi í mars í fyrra. Meira »

Skoða hvort Tekjur.is teljist fjölmiðill

11:29 Meginmunur á vefsíðunni Tekjur.is og Tekjublaði Frjálsrar verslunar og DV, sem birt hafa upplýsingar um laun einstaklinga um árabil, er að þær upplýsingar sem aðgengilegar eru á Tekjur.is flokkist ekki undir fjölmiðlun vegna þess hversu mikið magn upplýsinga er aðgengilegt á vefnum. Meira »

Beiðni Stakkbergs rædd í bæjarstjórn

11:13 Bæjarstjórn Reykjanesbæjar mun hvorki funda með fulltrúum Stakkbergs ehf. um deiliskipulag United Silkon í dag né á morgun að sögn Kjartans Más Kjartanssonar, bæjarstjóra Reykjanesbæjar. Málið verður þó tekið fyrir á fundi bæjarstjórnar annað kvöld. Meira »

Hrikalegur veruleiki fíkla

10:48 Kvikmyndin „Lof mér að falla“ byggir að langstærstum hluta á raunverulegum sögum og sjónvarpsþættirnir „Lof mér að lifa” fjalla um persónurnar á bak við sögurnar og við fáum að skyggnast inn í líf þeirra sem í hlut eiga. Í þáttunum, sem eru um margt verulega sláandi, fylgist áhorfandinn með lífi sprautufíkla sem verður að teljast vægast sagt óhugnanlegt. Meira »

Stjórn HB Granda fundar í dag

10:42 Stjórn HB Granda, sem hugðist funda síðastliðinn fimmtudag vegna bréfs frá framkvæmdastjóra Útgerðarfélags Reykjavíkur, frestaði fundinum. Verður hann þess í stað haldinn í dag, samkvæmt tilkynningu sem HB Grandi hefur sent kauphöllinni. Meira »

Ari ekki lengur eftirlýstur

10:36 Ari Rún­ars­son, sem alþjóðalög­regl­an Interpol lýsti eftir í síðasta mánuði, er kominn til landsins og því ekki lengur eftirlýstur að sögn Arn­fríðar Gígju Arn­gríms­dótt­ur, aðstoðarsak­sókn­ara hjá embætti héraðssaksóknara. Meira »

Búa lengur á hóteli mömmu

09:02 Karlar búa mun lengur í foreldrahúsum en konur. Fimmtungur fólks á aldrinum 25-29 ára bjó enn í foreldrahúsum árið 2016. Tæp 25% karla og tæp 16% kvenna á þessum aldri. Meira »

Einn enn í haldi vegna árásar á dyraverði

08:39 Gæsluvarðhald yfir manni sem grunaður er um grófa líkamsárás á dyraverði fyrir utan skemmtistaðinn Shooters í miðbæ Reykjavíkur aðfaranótt 26. ágúst hefur verið framlengt til 2. nóvember. Landsréttur hefur staðfest úrskurð héraðsdóms um framlengingu gæsluvarðhaldsins á grundvelli almannahagsmuna. Meira »

Lengsta orð íslenskunnar á ljósmynd

08:18 Lengi hefur verið sagt að lengsta orð íslenskrar tungu sé Vaðlaheiðarvegavinnuverkfærageymsluskúrslyklakippuhringurinn.  Meira »

Mjólk, skyr og mysa í æsku

07:57 Elstu núlifandi tvíburar Íslands fögnuðu 96 ára afmælum sínum í gær. Það eru þær Hlaðgerður og Svanhildur Snæbjörnsdætur. Einungis tvennir aðrir tvíburar, sem nú eru látnir, hafa náð þeim aldri en Íslandsmetið er 96 ár og 292 dagar. Meira »

Varðskipið Óðinn í slipp

07:57 Varðskipið Óðinn verður tekið í slipp í Reykjavíkurhöfn í dag en skipið er hluti af safnaeign Sjóminjasafnsins.  Meira »

Framkvæmdir við stækkun stöðvaðar

07:37 „Þetta eru nokkur atriði sem ég þarf að kippa í liðinn,“ segir Árni Valur Sólonsson, eigandi Capital Hotels-hótelkeðjunnar, en Vinnueftirlitið bannaði á föstudag alla vinnu við byggingarframkvæmdir vegna stækkunar á einu hótela keðjunnar, City Park Hótel, Ármúla 5. Meira »

Vel skipulagður þjófnaður

07:00 Þjófnaðurinn á skútunni Inook úr Ísafjarðarhöfn aðfaranótt sunnudags var vel skipulagður og krafðist aðkomu eins eða fleiri manna sem kunnu til verka. Þetta segir heimildarmaður Morgunblaðsins á Ísafirði. Meira »

Umhleypingar og vætutíð

06:56 Hæglætisveður verður á landinu í dag en í kvöld fer að hvessa að austan og á morgun er spáð roki og rigningu víða á landinu. Síðan er búist við umhleypingum og vætutíð fram yfir helgi, segir í hugleiðingum veðurfræðings Veðurstofu Íslands. Meira »
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
AUDI A6
Til sölu Audi A6, Quadro, 4.2 árg. 2005 Ekinn 165 þús. Bose hljóðkerfi, leður...
Sumarhús með Nissan rafbíl til sölu...
Fallegt sumarhús í Biskupstungum til sölu. 55 fm á einni hæð, viðhaldslaus klæ...