Refsiaðgerðir ekki leiðin að friði

Maður í Jerúsalem á leið á markaðinn.
Maður í Jerúsalem á leið á markaðinn. AFP

Facebooksíðan Icelandic People Against Boycotting Israel var stofnuð í síðustu viku en tilgangur hennar er að sýna að ekki séu allir Íslendingar hlynntir ákvörðun borgarstjórnar Reykjavíkur um að sniðganga vörur frá Ísrael.

„Ég stofnaði síðuna síðasta miðvikudag. Um leið og ég heyrði þessar fréttir, að borgarstjórn ætlaði að sniðganga vörur frá Ísrael fékk ég slæma tilfinningu. Mér fannst ég hafa verið svikinn og ég veit að fólk í kringum mig fékk sömu tilfinningu. Ég fann að fólk var sárt og reitt,“ segir Ívar Halldórsson, stofnandi síðunnar í samtali við mbl.is. 

„Þegar borgarráð tekur aðstöðu fyrir alla borgarbúa og setja okkur undir ákveðinn hatt út á við er eins og við séum með þá sömu skoðun og þau. Ég fann fyrir því að margir í kringum mig vildu ekki líta svona út í augum annarra og er þessi síða hugsuð fyrir fólk sem vill aðskilja sig frá þessu.“

Ívar segir það mikilvægt að sýna Ísraelum og öðrum að Ísland sé ekki einhuga í þessum aðgerðum og að þær endurspegli ekki vilja allrar þjóðarinnar.

Fengið töluverð viðbrögð erlendis frá

Nú hafa tæplega 1000 manns líkað við síðuna og að sögn Ívars er fjöldinn stöðugt að aukast. „Ég hef fengið talsverð viðbrögð frá erlendu fólki sem hefur skilið fréttirnar þannig að það í rauninni fordæmir ísland sem heild. Ég hef heyrt frá fólki sem finnst þetta vera hatur og rasismi og upplifir þetta sem anti-sem­it­isma. Það eru ekki bara Ísraelar heldur fólk frá Bretlandi og öðrum löndum.“

Ívar segir að þessir erlendu aðilar hafi sýnt síðunni mikið þakklæti fyrir að benda á að Ísland er ekki einhuga í þessu. „Maður finnur fyrir því að fólki léttir við að finna það eru ekkert allir sammála þessu.“

Útbúa lista með íslenskum vörum til að sniðganga

Aðspurður hvort honum finnist að borgarráð hafi farið útfyrir sitt hlutverk með þessari ákvörðun svarar Ívar því játandi. Hann segir það slæmt að ráðið hafi myndað svona sterka skoðun út á við án þess að bera það undir borgarbúa.

„Ég tók eftir því að nú er búið að opna erlenda Facebook síðu sem heitir Boycott Racist Iceland. Hún er alveg ný og ég vona að hún vaxi ekkert mikið. Við höfum reynt að hafa samband við fólk á þeirri síðu og útskýra afstöðu okkar til að lágmarka skaðann. Við höfum útskýrt fyrir fólki að það sé mikill minnihluti hérna sem er á þessari skoðun og meirihlutinn standi með þeim. Ég náði síðan sambandi við síðuhaldarann sem var mjög ánægður að heyra það að þetta væri svona. Ég var líka að hvetja hann til að róa sig en nú eru þeir að útbúa lista yfir íslenskar vörur til að sniðganga,“ segir Ívar og bætir við að í þeim hópi hafi einn sagt honum að margir væru nú að íhuga að sniðganga Icelandair vegna ákvörðunarinnar.

Að sögn Ívars hafa virt samtök frá Ísrael haft samband við hann og boðist til að koma hingað til lands og kynna Ísrael fyrir Íslendingum. „Þetta eru samtök sem eru í því að kynna málefni Ísraels og miðausturlanda. Þeir buðu okkur að senda hingað fólk til að kynna mannúðarstarf Ísraelshers og koma með betra ljós á ástandið.“

Ívar segist nú vera að skoða hvort hann þiggi boðið. „Ég er núna að fá upplýsingar frá þessum aðila. Ég vil auðvitað ekki eitthvað rugl hingað en það mætti samt upplýsa almenning frekar um ástandið. Fjölmiðlar eru að mínu mati svolítið mataðir og það eru margar hliðar sem eru ekkert að koma í ljós. Íslendingar eiga rétt á því að fá að skoða málið frá öllum hliðum.“

Eigum ekki að setja okkur í dómarasætið

Ívar segist ekki eiga bein tengsl við Ísrael fyrir utan það að hann á nokkra ísraelska vini. „Það sem hvetur mig áfram fyrst og fremst er ímynd Íslands út á við. En ég hef kynnt mér málin mjög vel í Ísrael og miðausturlöndum og það er alltaf að koma betur og betur í ljós fjölmiðlar eru ekkert að gefa breiða mynd af þessu og umfjöllunin er mjög einhliða. Ástandið fyrir botni Miðjarðarhafs er mjög misskilið og meira að segja Sameinuðu þjóðirnar eru ekki sammála um hvernig þetta er í raun og veru,“ segir Ívar. „En svo erum við að setja okkur í dómarasætið og hefja refsiaðgerðir, það er ekki leiðin að friði. Þegar fólk er svona óssamála útum allt um hvað er að gerast  held ég að lítil eyja á miðju Atlantshafi eigi ekki að fara að setja sig í dómarasætið og sakfella.“

Afsökunarbeiðnir og afsagnir eina leiðin

Á borgarstjórnarfundi á morgun verða til­lög­ur um að draga samþykkt borgarstjórnar til baka.Tvær til­lög­ur um málið verða rædd­ar á fund­in­um, ein frá borg­ar­full­trú­um Sjálf­stæðis­flokks og Fram­sókn­ar og flug­vall­ar­vina og hin frá Sam­fylk­ingu, Bjartri framtíð, Vinstri græn­um og Pír­öt­um.

Dag­ur B. Eggerts­son borg­ar­stjóri hefur sagt að til­lag­an yrði dreg­in til baka en að til standi að breyta orðalagi henn­ar og leggja hana aft­ur fram. Í breyttri til­lögu yrði skýrt tekið fram að sniðgang­an næði aðeins til ísra­elskra vara sem fram­leidd­ar væru á her­numdu svæðunum.

Ívar segir að þeir erlendu aðilar sem hann hefur rætt við líti svo á að það sé ekki nóg að draga tillöguna til baka. „Mér fannst eins og fólk myndi ekki sætta sig við það. Ég held að eina leiðin séu afsökunarbeiðnir og afsagnir. Tilfinningin sem ég fæ frá erlendum aðilum er sú að þeim finnist borgarstjórnin vera með anti-semitísk sjónvarmið. Það er erfitt að stroka þetta út.“

Hann segir jafnframt leiðinlegt að gott orðspor Íslands verði fyrir skaða útaf þessu máli. „Við viljum náttúrulega finna lausnir og þetta sé vinalegt. Við erum með svo góðan orðstír og erum að gera góða hluti. Við viljum viðhalda honum og vera vinaþjóð ekki óvinaþjóð.“

AFP
Síðan hefur fengið tæplega 1000
Síðan hefur fengið tæplega 1000 "læk" á nokkrumd ögum. Skjáskot af Facebook
Dagur B. Eggertsson borgarstjóri. Ívar segir að eina sem myndi ...
Dagur B. Eggertsson borgarstjóri. Ívar segir að eina sem myndi hafa jákvæð áhrif væru afsökunarbeiðnir og afsagnir. mbl.is/Ómar Óskarsson
mbl.is

Bloggað um fréttina

Innlent »

Lilja setur Menntaskólann á Ásbrú í fyrsta sinn

12:13 Fyrsta skólasetning Menntaskólans á Ásbrú fór fram í aðalbyggingu Keilis í gær að viðstaddri Lilju Alfreðsdóttur mennta- og menningarmálaráðherra. Rúmlega fjörtíu nemendur hefja námið á haustönn, en um eitt hundrað sóttu um og komust því færri að en vildu. Meira »

„Bergið greinilega óstöðugt“

12:10 „Við erum bara búin að loka austasta hluta Reynisfjöru eins og hægt er með lögregluborða. Fólk virðist – allavega enn sem komið er – virða það,“ segir Sigurður Sigurbjörnsson, varðstjóri lögreglunnar á Suðurlandi, í samtali við mbl.is. Hann er nú í Reynisfjöru þar sem féll skriða úr Reynisfjalli í nótt. Meira »

Bernhard innkallar 1.078 bíla

11:52 Bernhard hefur innkallað 1.078 Honda-bifreiðar af árgerðunum 2001 til 2012. Um er að ræða bíla af gerðunum Accord, Jazz, Civic, Steam og CR-V.k. Ástæða innköllunarinnar er að loftpúðar bifreiðanna gætu verið gallaðir. Meira »

Upphafið að einhverju mikilvægu

11:50 „Þetta er ótrúlega mikilvægt,“ segir bankastjóri Íslandsbanka um fund í morgun, þar sem samtök fjórtán norrænna stórfyrirtækja og þjóðarleiðtogar Norðurlandanna undirrituðu sameiginleg markmið um sjálfbærni og jafnrétti. Meira »

Innbrot í fyrirtæki í Vesturbæ og Kópavogi

11:39 Morguninn var með rólegra móti hjá lögreglunni á höfuðborgarsvæðinu. Lögregla þurfti þó að sinna útkalli klukkan níu í morgun vegna innbrots í fyrirtæki í vesturhluta borgarinnar. Þá barst einnig tilkynning um innbrot í fyrirtæki í Kópavoginum. Meira »

Ók upp á fólksbíl á Granda

11:11 Sérkennilegt umferðaróhapp varð á Grandagarði í morgun þegar kona ók bíl sínum upp á annan fólksbíl. Tvær konur voru í bílnum, asískir ferðamenn, og samkvæmt heimildum mbl.is höfðu þær nýverið tekið bílinn á leigu. Meira »

„Þetta á allt eftir að hrynja“

11:10 „Það eru miklar viðvaranir þarna niður frá vegna brim- og hrunhættu. Það er alltaf þarna eitthvað hrynjandi. Ég hef nú meira að segja lent í því sjálfur að hrunið hafi á mig þegar ég var í lunda,“ segir íbúi í Görðum við Reynisfjöru. Lög­regl­a lokaði í gær aust­asta hluta ­fjörunnar. Meira »

„Staðreynd: Við erum sterkari sameinuð“

10:38 „Staðreynd: Við erum sterkari sameinuð!“ Þetta sagði Stefan Löfven forsætisráðherra Svíþjóðar þegar loftslagssáttmáli sex Norðurlandaþjóða var undirritaður í Hörpu í morgun. Meira »

Má vænta vaxtalækkana

10:04 Ásgeir Jónsson hefur tekið við embætti seðlabankastjóra. Hann mætti til vinnu á skrifstofur Seðlabankans klukkan 9:04 í morgun. Ásgeir segir að vaxtalækkanir geti hæglega verið í kortunum. Meira »

43 sagt upp hjá Íslandspósti

09:53 43 starfsmönnum var í dag sagt upp hjá Íslandspósti. Alls fækkar stöðugildum hjá fyrirtækinu um 80 á árinu 2019. Vinnumálastofnun og hlutaðeigandi stéttarfélögum hefur verið gert viðvart um hópuppsögnina. Meira »

Stór skriða féll úr Reynisfjalli

08:22 Mjög stór skriða féll úr fjallinu fyrir ofan Reynisfjöru í Mýrdal í nótt og er sjórinn brúnlitur á því svæði þar sem skriðan féll. Lögreglan á Suðurlandi ítrekar að austasti hluti Reynisfjöru er lokaður almenningi. Meira »

Hvítur, hvítur dagur í forval evrópsku kvikmyndaverðlaunanna

08:20 Hvít­ur, hvít­ur dag­ur, nýj­asta kvik­mynd leik­stjór­ans og hand­rits­höf­und­ar­ins Hlyns Pálma­son­ar, er ein þeirra 46 kvikmynda sem eru tilnefndar til evrópsku kvikmyndaverðlaunanna í ár. Tilkynnt var um þetta í morgun. Meira »

Fast gjald 324% hærra en notkunin

08:18 Rafmagn til að kveikja á sex ljósaperum í rúmlega 20 fm sameiginlegu geymsluhúsnæði kostar eigendur fjögurra húsa sem tengjast saman samtals 40 kr. á ári eða 10 kr. á eign. Til viðbótar greiða eigendur sameiginlega 12.976 kr. í mælagjald á ári. Meira »

Færri komust að en vildu

08:08 Alls hófu 44 nemendur nám við nýja námsbraut Menntaskólans á Ásbrú í tölvuleikjagerð í gær. Komust færri að en vildu.  Meira »

Ömurlegasta sumar í áratugi

07:57 Veðrið hefur ekki leikið við íbúa Langaness og annarra svæða norðausturhornsins í sumar. Veðrið hefur verið í algerri andstöðu við veðurblíðuna á Suður- og Vesturlandi. Meira »

Framtíð jökla ógnað

07:37 Líklega voru litlir sem engir jöklar hér á landi snemma á yfirstandandi hlýskeiði, fyrir um 5.000-8.000 árum. Svo uxu jöklarnir fram þegar kólnaði og hafa verið mjög breytilegir að stærð síðan land byggðist, að sögn Tómasar Jóhannessonar, fagstjóra á sviði jöklafræði hjá Veðurstofu Íslands. Meira »

Rok og rigning á morgun

06:56 Víðáttumikil lægð með allhvössum vindi fer fram hjá landinu aðra nótt og á morgun. Búast má við vindi allt að 20 m/s með suðurströndinni og dálítilli úrkomu á Suðaustur- og Austurlandi með. Meira »

Tjónvaldur 17 ára og í vímu

06:50 Sautján ára ökumaður sem var undir áhrifum fíkniefna er talinn bera ábyrgð á árekstri tveggja bifreiða á Dalvegi í Kópavogi um kvöldmatarleytið í gær. Ung stúlka sem ekki er komin með bílpróf ók bifreið út af á Heiðmerkurvegi síðdegis í gær. Meira »

Ógnað með eggvopni

06:32 Leigubílstjóra var ógnað með eggvopni og hótað að stinga hann með sprautunál í nótt af pari sem neitaði að greiða bílstjóranum fyrir akstur í Árbæinn. Hann tilkynnir um greiðslusvik og hótanir. Hafði ekið pari að ákveðnu húsi og er hann krafði manninn um greiðslu ógnaði maðurinn honum með eggvopni og konan hótað að stinga hann með nál. Málið er í rannsókn.   Meira »
Greinakurlari
Greinakurlari sem drifinn er með bensínmótor. Öflugur og meðfærilegur kurlari w...
Rafknúinn lyftihægindastól
Til sölu rafknúinn lyftihægindastól frá Eirberg kostar nýr 124 þ Upplýsingar au...
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...