Aukafundur í borgarstjórn hefst klukkan 17:00 þar sem teknar verða fyrir tillögur minni- og meirihluta um að draga til baka samþykkt borgarstjórnar frá 15. september þar sem lagt var til að borgin útfærði sniðgöngu á vörum framleiddum í Ísrael.

Tillagan hefur vakið mikil viðbrögð, bæði hér heima og erlendis. Blaðamaður mbl.is er í ráðhúsinu og fylgist með öllu sem þar fer fram og hægt er að fylgjast með lýsingu á því sem gerist á fundinum með því að smella hér.

Með því að smella hér er auk þess hægt að horfa á borgarstjórnarfundinn í beinni. Dagskrá fundarins er eftirfarandi:

1. Tillaga borgarfulltrúa Sjálfstæðisflokksins og Framsóknar og flugvallarvina um að draga til baka samþykkt borgarstjórnar frá 15. september 2015 um undirbúning og útfærslu á sniðgöngu Reykjavíkurborgar á ísraelskum vörum. 

2. Tillaga borgarfulltrúa Samfylkingarinnar, Bjartrar framtíðar, Vinstri grænna og Pírata um að draga tilbaka samþykkt borgarstjórnar frá 15. september 2015 um undirbúning og útfærslu á sniðgöngu Reykjavíkurborgar á ísraelskum vörum.

Tengdar fréttir

Ísraelskar vörur sniðgengnar

Hvöttu gesti til að sniðganga ísraelsk fyrirtæki

• Rauði krossinn á Íslandi segir skilið við Rapyd
• Tilgangurinn ekki að mótmæla
• Skýra þurfi utanríkisstefnuna
• Fundar í dag með borgarstjóra

» Fleiri tengdar fréttir

• 1 blogg um fréttina

Bloggað um fréttina

• Mofi: Hvað eru þessi hernumdu svæði?