Íslenska tónskáldið Jóhann Jóhannsson verður sérstakur gestur Stockfish-kvikmyndahátíðarinnar árið 2016.
„Jóhann hefur unnið til fjölda verðlauna fyrir tónlist sína í kvikmyndum, en hann hlaut m.a. Golden Globe-verðlaun árið 2015 fyrir tónlist sína í myndinni The Theory of Everything," segir í tilkynningu frá Stockfish. „Tilnefningar til annarra verðlauna hrannast inn og má þess geta að hann er bæði tilnefndur til Bafta-verðlauna og Óskarsverðlauna árið 2016 fyrir tónlist sína í myndinni Sicario."
Frétt mbl.is: Jóhann tilnefndur til Óskarsverðlauna
Stockfish-hátíðin verður haldin í Bíó Paradís í Reykjavík dagana 18. til 28. febrúar. Markmið hennar er að efla íslenska kvikmyndamenningu á breiðum grundvelli.