Verður ný vídd í menningarlífinu

Nýlistasafnið, Kling og Bang-galleríið og listamaðurinn Ólafur Elíasson ætla að ...
Nýlistasafnið, Kling og Bang-galleríið og listamaðurinn Ólafur Elíasson ætla að koma sér fyrir í þessu húsi við Grandagarð , auk nýs veitingastaðar. mbl.is/Árni Sæberg

„Þarna verður nýr segull í Reykjavík, ný vídd í menningarlífinu, og ég held að þetta geti styrkt og stutt við myndlist og skapandi greinar á margan hátt,“ segir Dagur B. Eggertsson borgarstjóri um flutning Nýlistasafnsins, Kling og Bang-gallerís og Ólafs Elíassonar, auk nýs veitingastaðar, í Marshall-húsið við Grandagarð.

Í fyrradag var samþykkt í borgarráði að heimila Reykjavíkurborg að gera samning við HB Granda, eiganda Marshall-hússins, um fimmtán ára leigu og framleigja það síðan áfram til listamannanna og menningarstofnananna.

Grandasvæðið og Örfirisey hafa tekið umtalsverðum breytingum á skömmum tíma. Fjöldi hönnuða og listamanna hefur komið sér fyrir, margir í nágrenni við Sjóminjasafnið og höfuðstöðvar leikjafyrirtækisins CCP; þarna er Tónlistarþróunarmiðstöðin, með aðstöðu fyrir hljómsveitir, Ljósmyndaskólinn sem er dagskóli, og þessi fjölbreytilega menningarstarfsemi hefur færst í forvitnilegu sambýli við sjávarútvegsfyrirtæki og nýsköpunina í Sjávarklasanum norður eftir Grandagarði, allt að listaverki Ólafar Nordal, Þúfu, við höfuðstöðvar HB Granda. En hvers vegna skyldi Reykjavíkurborg hafa farið út í að hafa milligöngu um leigu á Marshall-húsinu, til að leigja það síðan áfram til þeirra sem koma sér þar fyrir?

Tíðindi að Ólafur komi sér fyrir

„Þetta er að frumkvæði þessara listamanna og safna,“ segir Dagur. „HB Grandi lítur ekki á það sem hluta sinnar kjarnastarfsemi að leigja út húsnæði til menningarstarfsemi og því þurfti að koma að borðinu aðili sem væri tilbúinn að leigutryggja þetta; gera HB Granda kleift að ráðast í þær töluvert umfangsmiklu framkvæmdir við húsið sem þarf til. Hlutverk okkar hjá borginni var því annars vegar að tryggja þessa leigusamninga og hins vegar að framleigja til þessarar menningarstarfsemi. Þar með verður þetta að veruleika og við komum út á núlli, fjárhagslega, en fáum stórkostlega spennandi myndlistar- og menningarhús þarna á norðanverðum Grandanum.

Mér finnst mikilvægt að við styðjum við þetta frumkvæði, sem kemur utan frá, og það er hlutverk okkar að vera ljósmóðir í ferlinu.“

Þá segir Dagur að það séu vitaskuld sérstök tíðindi að Ólafur Elíasson sé að færa sig meira yfir til Íslands. Hann hyggst vera með vinnustofu á efstu hæð hússins auk þess að setja upp innsetningar eða sérstök verk í hluta þess, sem verður opinn almenningi og mun án efa draga að gesti. Segja má að verk eftir Ólaf rammi þannig á vissan hátt inn hafnarsvæðið, þar sem hann á hinn flennistóra glerhjúp á Hörpu og ljósaverkið á honum.

Dagur segir að borgaryfirvöld hafi líka haft áhyggjur af því að Nýlistasafnið og Kling og Bang, sem hafa staðið fyrir gríðarlega öflugri starfsemi undanfarin ár, hafi verið í húsnæðishraki. Nú hafi verið fundin kærkomin lausn á því.

Stækkar miðborgarsvæðið

Grasrótarfyrirtæki hafa í auknum mæli komið sér fyrir á Grandanum. Hver hefur verið stefna borgarinnar varðandi uppbyggingu þar?

„Við styðjum við það á þann hátt að á aðalskipulaginu ýttum við út af borðinu öllum hugmyndum um umfangsmikla íbúðarbyggð og hóteluppbyggingu á hafnarsvæðinu á Grandanum. Þar með þróast þetta svæði öðruvísi og það skapar tækifæri fyrir þá sem eru tilbúnir til að hreiðra um sig í aðeins hrárra og minna þróuðu húsnæði, sem eru oft skapandi greinar og listamenn af ýmsu tagi – og það er að gerast.“ Dagur segir líka að með þessari þróun mála á Grandanum stækki miðborgarsvæðið og álagið minnki „á þeim fermetrum í Kvosinni sem eru mest notaðir“, og þessi þróun sé lífræn.

Verbúðirnar gegnt Sjóminjasafninu og höfuðstöðvum CCP hafa verið mjög eftirsóttar og telur Dagur að nú muni eftirspurnin í norðurhluta verbúðalengjunnar aukast og í nærliggjandi götum. Marshall-húsið verði eins konar ankeri á svæðinu. Þannig má segja að miðja Grandasvæðisins færist nú norðar.

„Þegar horft er til þess hvað HB Grandi hefur gert ótrúlega fína aðstöðu fyrir hjólandi starfsfólk, og hvað fyrirtækið hefur gert fyrir umhverfið eftir að því var úthlutað lóðinni fyrir frystigeymsluna Ísbjörninn, þar sem Þúfa Ólafar Nordal er líka orðin að aðdráttarafli í sjálfu sér, þá er ekki hægt að segja annað en að þetta svæði sé að springa út,“ segir Dagur. „Marshall-húsið verður lykilþáttur í því, með lifandi veitingastað og lífi sem smitar út göturnar beggja vegna. En það er líka í þessu mikla návígi við sjávarútveginn sem við stöndum líka vörð um á þessu svæði. Við viljum að hafsækin starfsemi þróist, í Sjávarklasanum er fullt af nýsköpunarfyrirtækjum sem tengjast sjávarútvegi, þar er líka kominn veitingastaður og allt styður þetta hvað við annað.

Marshall-húsið var púsl sem flýtir þróun sem við höfum séð fara af stað og gerir svæðið enn skemmtilegra.“

Innlent »

Vilja þrýsta á um vegaúrbætur

05:30 „Það hefur færst aukinn kraftur í umræðuna um umferðaröryggi á Kjalarnesi undanfarnar vikur og Kjalnesingar ýta á úrbætur. Þess vegna legg ég fram á morgun tillögu sjálfstæðismanna í borgarstjórn um úrbætur í vegamálum á Kjalarnesi.“ Meira »

Fjölgun um einn hóp kostar 180 milljónir

05:30 Lögreglunni á höfuðborgarsvæðinu hafa frá því í byrjun desember borist tæplega 50 tilkynningar um innbrot í heimahús.  Meira »

Aldrei fleiri skráðir í VG

05:30 Félagsmenn Vinstrihreyfingarinnar – græns framboðs eru nú 6.010 og hafa aldrei verið fleiri.   Meira »

Daníel verðlaunaður

05:30 Tónskáldið Daníel Bjarnason hlaut í gær Norrænu tónskáldaverðlaunin fyrir tónlist sína við kvikmynd Hafsteins Gunnars Sigurðssonar, Undir trénu. Verðlaunin voru afhent í Berlín við hátíðlega athöfn. Meira »

Hrinan mjög óvenjuleg

05:30 Ekkert lát er á jarðhræringunum í grennd við Grímsey, á svonefndu Tjörnesbrotabelti. Í gær mældust þar sex skjálftar yfir þremur stigum. Meira »

Tveir skjálftar 4 að stærð

05:29 Jarðskjálftahrinan við Grímsey heldur áfram en í nótt urðu tveir skjálftar 4 að stærð og fundust þeir á Akureyri og Húsavík.  Meira »

Kærður fyrir brot gegn stjúpdóttur

Í gær, 20:51 Sérfræðingur á einni undirstofnun velferðarsviðs Reykjavíkurborgar hefur verið kærður fyrir kynferðisbrot gegn fyrrverandi stjúpdóttur sinni, sem er á barnsaldri. Þetta staðfestir Regína Ásvaldsdóttir, sviðsstjóri velferðarsviðs. Maðurinn hafði áður verið kærður fyrir kynferðisbrot gegn ungum pilti. Meira »

Óvissustigi aflétt

Í gær, 20:58 Búið er að aflétta óvissustigi á Sandskeiði, Hellisheiði og Þrengslum en gul viðvörun er í gildi á höfuðborgarsvæðinu, Suðurlandi og Faxaflóa. Meira »

Galdrar, glæpir og glæfrakvendi

Í gær, 20:17 Katrín Jakobsdóttir forsætisráðherra veitti í dag gestum Þjóðminjasafnsins leiðsögn undir yfirskriftinni Galdrar, glæpir og glæfrakvendi. Nokkur fjöldi fólks var mættur til að hlýða á Katrínu, en tilefni viðburðarins er 100 ára fullveldisafmæli Íslands. Meira »

„Við erum í kapphlaupi við tímann“

Í gær, 20:00 Sonur þeirra er að verða átján ára eftir nokkra mánuði. Það eina sem þau gera er að vona að hann nái því að verða átján ára. Síðasta afmælisdegi eyddi hann á bráðamóttökunni eftir að hafa tekið of stóran skammt. Það tókst að bjarga honum þá og síðan hefur honum ítrekað verið bjargað naumlega. Meira »

Eiginmaður Sunnu hlaut uppreist æru

Í gær, 19:57 Sigurður Kristinsson, eiginmaður Sunnu Elviru Þorkelsdóttur sem hefur legið lömuð á sjúkrahúsi í Malaga undanfarin mánuð, hlaut uppreist æru fyrir fimm árum. Meira »

Fjórir yfir þremur að stærð við Grímsey

Í gær, 18:50 Fjórir jarðskjálftar á bilinu 3,3 og 3,8 af stærð riðu yfir nálægt Grímsey nú á sjöunda tímanum í kvöld. Voru þeir allir á svipuðum slóðum og skjálftar síðustu daga. Aðeins hafði dregið úr skjálftavirkni í dag, en enn er þó mikill fjöldi skjálfta á hverri klukkustund á svæðinu. Meira »

Björgunarsveitir í startholunum

Í gær, 18:30 Aðgerðastjórnun hefur verið virkjuð á höfuðborgarsvæðinu ef lögregla og björgunarsveitir þurfa að grípa til aðgerða í óveðrinu í kvöld. Björgunarsveitir hafa þegar þurft að sinna einu útkalli í höfuðborginni í dag. Meira »

Sósíalistar stefna á framboð í borginni

Í gær, 17:23 Sósíalistaflokkur Íslands ákvað á félagsfundi sínum í Rúg­brauðsgerðinni í dag að stefna á framboð í Reykjavík í borgarstjórnarkosningum í vor. Meira »

Óvissustigi lýst yfir suðvestanlands

Í gær, 15:28 Óvissustigi hefur verið lýst yfir á Sandskeiði, Hellisheiði og í Þrengslum en gul viðvör­un gild­ir fyr­ir höfuðborg­ar­svæðið, Suður­land og Faxa­flóa í dag. Meira »

Íbúar ætla sjálfir að hefja vegagerð

Í gær, 18:11 „Við ætlum að hittast á morgun og ætlum að vekja athygli á því að það er búið að ýta þessum vegi af samgönguáætlun það lengi að við þurfum að sýna stjórnvöldum hvernig á að byrja á þessu verki.“ Meira »

Dóra formaður Femínistafélags Pírata

Í gær, 15:33 Stofnfundur Femínistafélags Pírata var haldinn í gærkvöldi en fyrsti formaður félagsins er Dóra Björt Guðjónsdóttir. Ritari er Helena Magneu Stefánsdóttir og Valgerður Árnadóttir er gjaldkeri. Varamenn eru Helgi Hrafn Gunnarsson og Elín Eddudóttir. Meira »

Eldaði fyrir Bayern München

Í gær, 14:00 Það er ekki hver sem er sem fær að elda ofan í þýska fótboltaliðið Bayern München. Það fékk þó íslensk-þýski kokkurinn Daníel Rittweger að gera eftir að hafa sigrað í matreiðslukeppni. Daníel, sem útskrifaðist í síðustu viku úr náminu, starfar nú á sínum öðrum Michelin-stjörnu-veitingastað. Meira »
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Leikjavefurinn Snilld - www.snilld.is
www.snilld.is - Frábært úrval af leikjum á leikjavefnum Snilld. Skelltu þér in...
KRISTALL LJÓSAKRÓNUR Útsala
Glæsilegum kristalsljósakrónum, veggljósum, matarstellum, kristals glösum og ska...
 
L helgafell 6018021419 iv/v
Félagsstarf
? HELGAFELL 6018011019 VI Mynd af au...
Mat á umhverfisáhrifum
Tilkynningar
Mat á umhverfisáhrifum Athu...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...
Eldri borgarar
Staður og stund
Aflagrandi 40 Opin vinnustofa kl. 9, for...