Sýrlensku hjónunum Wael Aligadah og Feryal Aldahash hefur verið veitt dvalarleyfi af mannúðarástæðum á Íslandi. Rauði krossinn greinir frá því á Fecebook síðu sinni að hjónin hafi fengið fréttirnar eftir að hafa rölt með dætur sínar, Jönu og Jouli í leikskólann í morgun.
„Þau voru glöð og fegin að fjölskyldan væri nú óhult. Nú tekur við nýr kafli í lífi fjölskyldunnar,“ segir í færslu Rauða krossins.
Hjónin komu til landsins síðasta sumar. Þau höfðu fengið hæli á Grikklandi og var þeim því synjað um efnislega meðferð á umsókn sinni um hæli hér á landi. Málið var sent til kærunefndar útlendingamála, en Wael og Feryal sögðust óttast að enda á götunni, yrðu þau send til baka.
Frétt mbl.is: Vilja gefa Íslendingum gjafir
Frétt mbl.is: „Viljum ekki enda á götunni“
Frétt mbl.is: Óttast að lögreglan sæki þau
Núna í morgun var mikil gleði í lítilli íbúð í miðborg Reykjavíkur. Eftir að hafa rölt með þær Jana og Jouli í leikskó...
Posted by Rauði krossinn on Tuesday, February 16, 2016