Vill ræða kaupauka í þingnefnd

Katrín Jakobsdóttir.
Katrín Jakobsdóttir. mbl.is/Eggert Jóhannesson

Katrín Jakobsdóttir, formaður Vinstrihreyfingarinnar - græns framboðs, hefur óskað eftir því að fram fari fundur í efnahags- og viðskiptanefnd við fyrsta tækifæri. Þetta kemur fram í fréttatilkynningu frá þingflokki VG.

Katrín óskar eftir því að kallaðir verði fyrir fundinn fulltrúar ríkisskattstjóra og fjármála- og efnahagsráðuneytis og farið yfir möguleika á því hvernig megi skattleggja kaupauka og aðrar „ofurlaunagreiðslur“.

mbl.is