Samninganefndir kennara og Sambands íslenskra sveitarfélaga hafa setið á fundum síðan klukkan níu í morgun. Hóparnir ræða nú saman hvor í sínu lagi en ætla að halda sameiginlegum fundum áfram um klukkan tvö.

„Þetta gengur ágætlega. Fólk er að tala saman og það er vinna hérna í gangi. Ég geri ráð fyrir því að við höldum áfram og hópurinn hittist um hálftvö, tvö,“ segir Bryndís Hlöðversdóttir ríkissáttasemjari í samtali við mbl.is.

Marg­ir grunn­skóla­kenn­ar­ar líta til mánaðamóta og segja að samn­ing­ur verði að vera kom­inn fyr­ir þann tíma.  

Kenn­ar­ar munu ganga út kl. 12.30 á morgun ef ekki verður búið að semja. 

Aðspurð segir Bryndís að erfitt sé að segja til um hvort málin séu að þokast í rétta átt. „Það er alla vega vinna í gangi og þá er maður að vona að þetta sé að  þokast í rétta átt. Það er ómögulegt að segja. Maður er búinn að læra það af reynslunni að það er aldrei komið fyrr en það er komið.“

Tengdar fréttir

Kjaradeila kennara

Samningurinn ekki nógu góður

• Eingreiðsla og vinnumat fellt út
• Grunnskólakennarar undirrita kjarasamning
• Fáir kennarar stóðu við uppsagnir
• Starfið þurfi að vera samkeppnishæft

» Fleiri tengdar fréttir

• Blogga um frétt