Arngrímur Jóhannsson, flugmaður og fyrrverandi forstjóri flugfélagsins Atlanta, segist oft fá „flashback“ upplifun frá flugslysinu sem hann lenti í um mitt sumar 2015 þegar vél sem hann flaug frá Akureyri til Keflavíkur brotlenti á Gíslahnúk í Barkárdal. Rætt er við hann í viðtali hjá Vikudegi þar sem hann segir frá slysinu, afleiðingum þess og hvernig hann hafi unnið úr áfallinu.

Arngrímur segir í viðtalinu að hann muni vel eftir atburðarásinni. Hann hafi fengið brunasár um allan líkamann og að hann hafi þurft skinnágræðslu vegna þeirra. Vinur Arngríms sem var með honum í vélinni lést í slysinu og segir Arngrímur að þótt líkamleg sár séu að mestu gróin þá syrgi hann góðan vin og atvikið hafi breytt lífi sínu.

Frétt af mbl.is

Komst lífs af úr flakinu

„Við vissum að við vorum á leiðinni niður og það var erfið tilhugsun. t segir Arngrímur í viðtalinu við Vikudag og bætir við: „Það er án efa versta upplifun sem ég hef gengið í gegnum að sitja við hliðina á látnum vini mínum lengst upp á fjöllum og geta ekkert gert.“ 

Áður hafði Arngrímur mikla ástríðu fyrir listflugi, en segist núna ekki getað hugsað sér að snúa henni á hvolf. Hann segir bréf frá vinum mannsins hafa stutt hann mikið til að fara aftur í flugið fljótlega eftir slysið. Þeir hafi sagt sér að það hafi verið það sem vinur hans vildi.

Vikudagur

Tengdar fréttir

Flugslys í Barkárdal

Flugvélin var ofhlaðin

• Arngrímur útskrifaður af gjörgæslu
• Fjöldi brunasára en stöðug líðan
• Rannsókn flugslyss miðar vel
• Var á fótum og vel áttaður

» Fleiri tengdar fréttir

• Blogga um frétt