28 ára gamall karlmaður var í dag dæmdur til sex mánaða fangelsisvistar fyrir alvarlega líkamsárás á móður sína. Árásin var framin á heimili hennar og hlaut hún umtalsverða áverka af. Hann var dæmdur til greiða móður sinni 800 þúsund krónur í miskabætur auk um 560 þúsund króna kostnað sem hlaust af málaferlunum.
Lögreglustjórinn á höfuðborgarsvæðinu gaf út ákæru á hendur manninum 5. september. Hann var ákærður fyrir að hafa veist að móður sinni á heimili hennar 3. maí og slegið hana ítrekað í höfuðið með hillubút úr tré. Hún hlaut við það tannarbrot, tannarliðhlaup, opið sár á vör og munnholi, auk yfirborðsáverka á höfði og hálsi.
Brotaþoli krafðist tveggja milljóna króna í miskabætur frá syni sínum en maðurinn játaði brotið skýlaust. Fram kemur að maðurinn eigi nokkurn sakaferil að baki en hann hafi síðast í júní verið dæmdur til fjögurra mánaða fangelsisrefsingar fyrir umferðarlagabrot og brot gegn valdstjórninni. Refsingin var því ákveðin sem hegningarauki og bætist við þann dóm sem hann hlaut fyrir.