Búast má við stormi með suðurströndinni í kvöld og einnig snörpum vindhviðum við fjöll á Suðvesturlandi. Útlit fyrir talsverða eða mikla rigningu suðaustantil á landinu út vikuna.
Þetta kemur fram á vef Veðurstofu Íslands.
Vegagerðin segir að óveðrið fylgi því þegar skil lægðar fara hratt yfir landið. Þá megi reikna með vindhviðum allt að 35 m/s undir Eyjafjöllum eftir kl. 21 og fram yfir miðnætti. Eins um tíma seint í kvöld undir Hafnarfjalli, að því er segir á vef Vegagerðarinnar.