Ekki ærumeiðandi umfjöllun

Blaðamaður Stundarinnar var í Héraðsdómi Reykjavíkur sýknaður af kröfu fyrrverandi ritstjóra Reykjavík Grapevine um að hafa vegið að æru hans í umfjöllun sinni. Telur dómari að eðlilegu verklagi í fréttamennsku hafi verið fylgt við vinnslu fréttarinnar.

Málið var höfðað af Hauki S. Magnússyni, fyrrverandi ritstjóra Reykjavík Grapevine gegn Áslaugu Karen Jóhannsdóttur, blaðamanni Stundarinnar.

Haukur krafðist þess að fá greiddar tvær milljónir króna í miskabætur og ómerkingar á ærumeiðandi ummælum, sem hafi birst í Stundinni 18. febrúar til 2. mars 2016 og Áslaug bar ábyrgð á. 

 Þess var krafist að eftirfarandi ummæli yrðu dæmd dauð og ómerk:

  1. Í öðru þeirra lýsir fyrrverandi samstarfskona Hauks ... alvarlegu atviki. Hún tekur einnig fram að hún hafi verið ofurölvi þegar atvikið átti sér stað. ,,Í grundvallaratriðum hélt hann áfram að snerta mig og hunsaði mig þegar ég sagði honum að þetta ætti ekki að gerast og að mér liði illa. Hann hlustaði ekki á mig.“
  2. Þess er krafist að stefndi verði dæmdur til að greiða stefnanda miskabætur að fjárhæð 2.000.000 króna með dráttarvöxtum frá 22. mars 2016 til greiðsludags, sbr. 1. mgr. 6. gr. laga nr. 38/2001.
  3. Þess er krafist að forsendur og niðurstaða dóms í málinu verði birt í Stundinni eigi síðar en 15 dögum eftir dómsuppsögu.
  4. Þess er krafist að stefndi verði dæmdur til að greiða stefnanda málskostnað samkvæmt síðar framlögðu málskostnaðaryfirliti. Krafist er 24% virðisaukaskatts ofan á dæmdan málskostnað.

Taldi Haukur að um ærumeiðandi aðdróttanir væri að ræða sem bæri að ómerkja. Í dómi héraðsdóms kemur fram að þegar orð eru látin falla á opinberum vettvangi þar sem vegið er að æru manns felur það í sér skerðingu á friðhelgi einkalífs hans sem varin er af  bæði stjórnarskrá og mannréttindasáttmála Evrópu. Á sama tíma er tekist á um ákvæðið um tjáningarfrelsið. 

Fjölmiðlar gegna mikilvægu hlutverki við miðlun upplýsinga

Segir í dómi héraðsdóms að við þetta mat þurfi að hafa í huga að ummælin birtust í frétt í fjölmiðli og að Áslaug er blaðamaður.

„Fjölmiðlar gegna mikilvægu hlutverki í lýðræðissamfélagi við miðlun upplýsinga og skoðana um þjóðfélagsleg málefni. Almenningur á rétt á því að fá slíkar upplýsingar, jafnvel þótt þær kunni að stuða eða móðga þá sem þær fjalla um. Því verða sérstaklega ríkar ástæður að vera fyrir hendi til þess að skerðing á frelsi fjölmiðla í því efni geti talist nauðsynleg í lýðræðisþjóðfélagi,“ segir í dómi héraðsdóms. 

Umræða sem átti erindi við almenning

Ummælin komu fram í umfjöllun þar sem því var haldið fram að yfirmaður hafi þurft að víkja úr starfi eftir að þrír undirmenn hans höfðu sakað hann um kynferðislega áreitni. Sú umfjöllun tengist almennri þjóðfélagsumræðu, sem hefur verið áberandi síðustu ár, um þá erfiðleika sem þolendur kynferðisofbeldis geta af ýmsum ástæðum átt með að stíga fram og tilkynna um brotið. Umfjöllunin, þar á meðal lýsing á efni þeirra ásakana sem undirmennirnir báru á Hauk, var því liður í þjóðfélagslegri umræðu og átti erindi til almennings.

Byggir á skrifum Hauks í leiðara

Sú ásökun sem birtist í ummælunum beinist að Hauki en hann er ekki opinber persóna. Hann gegndi eftir sem áður áberandi starfi við stjórn fjölmiðils og var yfirmaður á vinnustaðnum. Hann hafði sjálfur vakið athygli á starfslokum sínum í leiðara í Reykjavík Grapevine í byrjun febrúar 2016, þar sem hann lét í það skína að starfslok hans ættu alfarið rætur að rekja til vilja hans til að hætta. Samkvæmt því sem segir í fréttinni í Stundinni virðast þessi opinberu ummæli hans að nokkru leyti vera kveikjan að því að konurnar stigu fram og sögðu sína hlið á því máli.

Ummælin sem ómerkingarkrafan beinist að fela í sér lýsingu á háttsemi sem einn af fyrrgreindum undirmönnum Hauks hafði borið á hann og konurnar töldu hafa leitt til starfsloka hans. Samkvæmt því sem fram fyrir dómi var starfslokum Hauks flýtt vegna þessara ásakana. Að því leyti er umfjöllunin, sem ummælin eru í, rétt. Hins vegar liggur ekki fyrir að Haukur hafi verið kærður fyrir hið ætlaða brot, hvað þá að ákæra hafi verið gefin út og dómur fallið.

Áslaug lagði ekki fram neinar upplýsingar við málaferlin sem geta skotið stoðum undir þær ásakanir sem fram koma í ummælunum. Í því efni bendir dómari á að heimildarmenn blaðamanns óskuðu eftir því að njóta nafnleyndar.

Lýsingin var innan gæsalappa

„Í þessu sambandi er þó rétt að hafa í huga að í fréttinni er hvergi staðhæft að stefnandi hafi gerst sekur um þá háttsemi sem lýst er í ummælunum sem málið lýtur að. Þau eru eins og áður segir frásögn sem kemur fram í bréfi heimildarmanns stefndu sem leitt hafði til þess að hann varð að hætta störfum fyrr en ella. Lýsingin á háttseminni var höfð innan gæsalappa án þess að mat væri lagt á sannleiksgildi ásakananna. Í fréttinni er einnig tekið fram að leitað hafi verið afstöðu stefnanda til þeirra og haft eftir honum að hann vísi þeim alfarið á bug og að þær eigi sér enga stoð í raunveruleikanum.

Ekki liggur annað fyrir en að stefnda hafi fylgt eðlilegu verklagi í fréttamennsku við vinnslu fréttarinnar. Hún ræddi við tvo heimildarmenn og hafði undir höndum tvö af þeim þremur bréfum sem bárust útgáfu Reykjavík Grapevine. Þá segir í fréttinni að stefnda hafi séð önnur samskipti konunnar við stefnanda og að hún hafi fengið staðfestingu frá Stígamótum um að hún hafi leitað þangað. Að lokum leitaði hún upplýsinga frá útgáfufyrirtæki Reykjavík Grapevine um hvort bréfin hefðu borist og valdið því að stefnandi hafi látið af starfi ritstjóra,“ segir ennfremur í dómi Héraðsdóms Reykjavíkur.

 Niðurstaða dómara er því að fréttin hafi átt erindi við almenning og vinnubrögð Áslaugar við vinnslu fréttarinnar hafi ekki farið út fyrir mörk leyfilegrar tjáningar í fjölmiðlum samkvæmt 73. gr. stjórnarskrárinnar. Því beri að hafna öllum kröfum Hauks.

Haukur er jafnframt dæmdur til þess að greiða 800 þúsund krónur í málskostnað.

mbl.is

Innlent »

Samherji keypti í Eimskip

18:05 Samherji hf. hefur keypt 25,3% af hlutafé í Eimskipafélagi Íslands hf. af fjárfestingarfélaginu The Yucaipa Comp­any og nemur söluverðmætið 11,1 milljarði króna. Systurfélag Samherja hf., Samherji Holding ehf. er skráður kaupandi af bréfunum. Viðskiptin fóru fram á genginu 220 krónur á hlut en skráð gengi í Kauphöllinni er 201 króna á hlut. Meira »

RÚV fékk ekki greitt vegna útsendingar

18:05 Ekki hafa fengist svör um hver endanlegur kostnaður við hátíðarfund Alþingis á Þingvöllum er. Greint hefur verið frá því að upphaflega hafi verið gert ráð fyrir 45 milljóna króna kostnaði en nú er gert ráð fyrir 80 milljónum. Upphafleg kostnaðaráætlun var gerð fyrir 18 árum. Meira »

Enginn dómur enn fallið

17:33 Valitor sendi frá sér fréttatilkynningu í dag, þar sem fyrirtækið ítrekar að enginn dómur hafi enn fallið um kröfur Sunshine Press Productions (SSP) og Datacell á hendur Valitor. Það segir Valitor vera kjarna málsins. Meira »

Ástandið versnað hraðar en búist var við

17:05 Forstjóri Landspítalans segir ástandið á spítalanum hafa versnað hraðar en búist hefði verið við og að þær aðgerðir sem gripið hefur verið til, að loka meðgöngu- og sængurkvennadeild og hætta með 12 vikna sónar, muni ekki duga lengi. Meira »

Rækjuvinnslu FISK í Grundarfirði lokað

16:55 Ákvörðun hefur verið tekin um að loka rækjuvinnslu FISK Seafood ehf. í Grundarfirði. Nítján manns fá uppsagnarbréf vegna lokunarinnar og taka uppsagnir gildi næstu mánaðamót. Meira »

Hvalurinn ekki steypireyður

15:55 Hvalurinn sem dreginn var á land í hvalstöðinni í Hvalfirði aðfaranótt 8. júlí síðastliðinn er blendingshvalur en ekki steypireyður. Þetta staðfesti erfðarannsókn á sýni hvalsins. Samkvæmt niðurstöðu rannsóknarinnar var móðirin steypireyður en faðirinn langreyður. Meira »

Samþykktu tilboðið í jörðina

15:50 Eigendur Hrauna í Fljótum í Skagafirði hafa samþykkt kauptilboð félagsins Eleven Experience í jörðina. Haukur B. Sigmarsson, framkvæmdastjóri Green Highlander, staðfestir þetta. Meira »

Krefur Steingrím um skýr svör

15:45 Jón Þór Ólafsson, þingmaður Pírata, hefur sent Steingrími J. Sigfússyni, forseta Alþingis, fyrirspurn, vegna ávarps Piu Kjærsgaard á hátíðarþingfundi Alþingis á Þingvöllum í gær. Meira »

Loka meðgöngu- og sængurlegudeild

15:35 Meðgöngu- og sængurlegudeild Landspítalans verður lokað á morgun og starfsemi hennar sameinuð kvenlækningadeild 21A vegna þeirrar stöðu sem upp er komin í fæðingarþjónustu í kjölfar uppsagna og yfirvinnubanns ljósmæðra. Meira »

Beinlínis rangt að ekkert nýtt kæmi fram

15:23 „Það er mjög alvarlegt ef fulltrúi ljósmæðra túlkar hugmynd ríkissáttasemjara með þeim hætti að það sé ekkert í henni annað en gamli samningurinn,“ segir Gunnar Björnsson formaður samninganefndar ríkisins. Meira »

Skammgóður vermir

15:15 Duglega hefur sést til sólar á suðvesturhorninu í dag. Blíðan er þó skammgóður vermir að sögn veðurfræðings á Veðurstofu Íslands því strax í fyrramálið verður farið að rigna á suðvesturhorninu og engin sól í kortunum næstu daga. Meira »

Keilir opnar starfsstöð á Spáni

14:49 Flugakademía Keilis hefur opnað starfsstöð fyrir utan Barcelona á Spáni og er Keilir, að fram kemur í fréttatilkynningu, þar með fyrsti flugskóli landsins til að halda úti verklegu flugnámi í tveimur löndum. Er þetta sagt gert „til að mæta auknum áhuga og tryggja að skólinn geti kennt verklegt flugnám allt árið um kring.“ Meira »

Aðeins einn af 19 umsækjendum í viðtal

14:45 Valtýr Valtýsson hefur verið ráðinn í embætti sveitarstjóra Ásahrepps, en hann hefur áður gegnt embætti sveitarstjóra Bláskógabyggðar. Ekki virðist hafa ríkt fullkomin sátt í hreppsnefndinni um ráðningaferlið og gerði minnihlutinn athugasemd við að aðeins einn af 19 væri boðaður í viðtal. Meira »

Kostnaður er áætlaður 55 milljarðar króna

14:15 Áætluð verklok vegna nýbyggingar Landspítalans við Hringbraut eru árið 2024 og heildarkostnaður er áætlaður tæpir 55 milljarðar króna, án virðisaukaskatts. Meira »

„Staðan er kolsvört“

14:02 „Það er ekkert á borðinu,“ segir Katrín Sif Sigurgeirsdóttir, formaður samninganefndar ljósmæðra. Fundi þeirra hjá ríkissáttasemjara lauk rétt í þessu. „Það verður ekki skrifað undir í dag og það hefur ekki verið boðað til nýs fundar.“ Meira »

Sagðist hafa brotið gegn stjúpdóttur sinni

13:51 Héraðsdómur Norðurlands eystra dæmdi í vikunni karlmann í tveggja ára skilorðsbundið fangelsi fyrir kynferðisbrot gegn stjúpdóttur sinni þegar hún var á leikskólaaldri. Brotin áttu sér stað á árabilinu frá 2010 til 2014. Meira »

Fundi samninganefndanna lokið

13:42 Fundi samninganefnda ljósmæðra og ríkisins sem hófst klukkan 10:30 er lokið. Báðar samn­inga­nefnd­ir gáfu það út fyr­ir fund­inn að þær hefðu ekki lagt fram nýj­ar til­lög­ur. Meira »

Gagnrýnin „fáránleg og til skammar“

13:25 Pia Kjærsgaard, forseti danska þingsins, segir í samtali við dönsku sjónvarpsstöðina TV2 að gagnrýni þingmanna vegna veru hennar á hátíðarfundi á Þingvöllum í gær sé fáránleg. Hún hafi hins vegar ekki tekið eftir mótmælum og notið dvalarinnar á Íslandi. Meira »

Sjálfsagt að bjóða Kjærsgaard

13:21 Forseti Alþingis harmar að heimsókn danska þingforsetans, Piu Kjærsgaard, hafi verið notuð til að varpa skugga á hátíðarhöldin á Þingvöllum í gær þegar hátíðarfundur var haldinn í tilefnis þess að þá voru 100 ár liðin frá und­ir­rit­un sam­bands­samn­ings um full­veldi Íslands, sem tók svo gildi 1. des­em­ber 1918. Meira »
KERRUR _ KERRUR _ KERRUR
Þessar sterku Þýsku frá ANSSEMS & HULCO, til afgreiðslu strax, sjá myndir m.a. í...
Rafstöðvar-Varaafl
Útvegum allar stærðir af rafstöðvum, frá Deutz/stamford Cummins Volvo Yanmar...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...