Fjárlagafrumvarp ársins 2018 hefur verið samþykkt á Alþingi. Þriðja og síðasta umræða um fjárlagafrumvarp næsta árs hófst klukkan hálfsjö í kvöld.
Frumvarpið í heild sinni var samþykkt með 34 atkvæðum, 24 greiddu ekki atkvæði. Frumvarpið verður sent til ríkisstjórnar sem lög frá Alþingi.
Fjáraukalög voru samþykkt með 34 atkvæðum, 23 greiddu ekki atkvæði.
„Ég mun með mikilli ánægju styðja þessi fjárlög,“ sagði Katrín Jakobsdóttir forsætisráðherra þegar hún kvaddi sér hljóðs á meðan atkvæðagreiðslu stóð. Hún sagði jafnframt að með afgreiðslu frumvarpsins væru stigin gríðarlega mikilvæg skref til uppbyggingu samfélagslegra innviða og nefndi hún heilbrigðismálin sem helsta forgangsatriði fjárlagafrumvarpsins.
Ræða Katrínar Jakobsdóttur í atkvæðagreiðslu um fjárlögin
Ræða Bjarna Benediktssonar í atkvæðagreiðslu um fjárlögin
Að atkvæðagreiðslu lokinni var fundum þingsins frestað til 22. janúar 2018. Búast má við því að nefndir þingsins hittist töluvert áður, eða 16. janúar.
Ræða Steingríms J. Sigfússonar, forseta Alþingis, við þingfrestun
Ræða Katrínar Jakobsdóttir við þingfrestunina