Hoffell, flutningaskip Samskipa sem varð vélarvana skammt utan Reyðarfjarðar á sunnudagskvöld eftir að bilun kom upp í ventli vélar þess, er enn á Eskifirði.
Þetta segir Anna Guðný Aradóttir, forstöðumaður markaðs- og samskiptadeildar Samskipa.
Vonast var til að skipið gæti lagt úr höfn frá Eskifirði í gær. Ekki reyndist þó vera til staðar varahlutur í vélina og því verður að sækja hann til útlanda. Einhver tími mun því líða þar til skipið kemst aftur á siglingu, að sögn Önnu Guðnýjar.
Hoffell varð vélarvana á leið sinni til Rotterdam á sunnudag. Það kom til hafnar á Eskifirði skömmu fyrir miðnætti aðfaranótt mánudags eftir að hafa siglt þangað fyrir eigin vélarafli.