Björgunarsveitir sinntu 23 verkefnum

Útköll björgunarsveita voru færri og umfangsminni en búist hafði verið ...
Útköll björgunarsveita voru færri og umfangsminni en búist hafði verið við. mbl.is/Kristinn Magnússon

Björgunarsveitir á suðvesturhorninu fóru samtals í 23 verkefni á meðan óveðrið gekk yfir á milli fjögur og sjö í kvöld. Það er nú að mestu leyti gengið niður og björgunarsveitarmenn sem komu að aðgerðastjórn viðbragðsaðila eru komnir til síns heima.

Samkvæmt upplýsingum frá Davíð Má Bjarnasyni, upplýsingafulltrúa Landsbjargar, voru alls 135 manns sem bæði voru til taks og fóru í verkefni. Ekki fóru allir út úr húsi því verkefnin voru minni og færri en búist hafði verið við.

Verkefnin voru að mestu hefðbundin fokverkefni og vatnsverkefni þar sem stíflur höfðu myndast eða vatn flæddi á óæskilega staði. Þá voru hópar til taks við helstu leiðir til og frá borginni, ef til lokana kæmi. Ekki kom þó til þess. „Það var mikið vatn sem kom með þessu þannig það var að flæða inn í hús og nokkrar götur sem voru vel faldar undir vatni. Það var ekki mikið af fokverkefnum, þetta voru aðallega þakkantar og plötur á húsum og örfá laus tæki á vinnustöðum. Það voru þessi vatnsverkefni sem voru hvað helst óvæntust.“

Davíð telur bæði að veðrið hafi ekki orðið jafnslæmt og búist hafði verið við og að fólk hafi farið að tilmælum og hugað að lausamunum í kringum sig. „Það var byrjað að tala um þennan storm í gær og það mögulega skilaði sér. Fólk var kannski ekki að álpast út að óþörfu og var kannski búið að huga að lausamunum. Það var auðvitað stormur á þriðjudaginn og þá fauk eitthvað sem fauk ekki aftur. Þetta var bara hið besta mál og var frekar rólegt.“

Hvassviðrið hefur nú fært sig bæði norður og austur og segir Davíð menn þar aðallega vera að velta fyrir sér mögulegum áhrifum af vatnselgnum sem fylgir. Búast má við mikilli úrkomu suðaustanlands allan morgundaginn og fram á kvöld og varað hefur verið við vexti í ám og vötnum.

mbl.is

Innlent »

Vilja byggja þyrlupall á Heimaey

12:00 Fimm þingmenn hafa lagt fram tillögu til þingsályktunar um að samgöngu- og sveitarstjórnarráðherra verði falið að gera ráðstafanir til að Isavia geti hannað og staðsett þyrlupall á Heimaey til að „auka enn frekar öryggi í sjúkra- og neyðarflugi til Vestmannaeyja.“ Meira »

Ætlar að hitta Áslaugu Thelmu

11:45 Helga Jónsdóttir, sem kemur til starfa sem forstjóri Orkuveitu Reykjavíkur á mánudaginn, ætlar að hitta Áslaugu Thelmu Einarsdóttur í næstu viku. Þetta staðfestir Eiríkur Hjálmarsson, upplýsingafulltrúi Orkuveitunnar í samtali við mbl.is. Meira »

Fréttir oftast sóttar á fréttavefi

11:41 Helmingur landsmanna sækir helst fréttir af vefsíðum fréttamiðla. Þetta kemur fram í niðurstöðum nýrrar skoðanakönnunar MMR sem var framkvæmd 3. til 10. ágúst. Meira »

Leita að liðsafla í stærstu björgunarsveitina

11:25 Söfnunarþáttur fyrir Slysavarnafélagið Landsbjörg verður sýndur á Stöð 2 í opinni dagskrá annað kvöld, klukkan 19.25. Þar verður leitast við að tryggja félaginu sem flesta bakverði sem styrkja félagið með mánaðarlegum framlögum. Meira »

Meintur svikahrappur í gæsluvarðhald

11:18 Lögreglan á Suðurnesjum handtók í vikunni erlendan karlmann sem grunaður er um að hafa ferðast á flugmiða sem svikinn var út á stolið greiðslukort eða kortaupplýsingar. Hann hefur verið úrskurðaður í gæsluvarðhald til 25. september. Meira »

Tímaþjófar í haldi

11:00 Lögreglan á Suðurnesjum handtók í fyrradag þrjá karlmenn vegna rannsóknar á máli er kom upp þegar úri að verðmæti 370 þúsund krónur var stolið úr úra- og skartgripaverslun í umdæminu. Meira »

Athugasemdir við hæfniskröfur

10:55 Stjórn Verkfræðingafélag Íslands (VFÍ) hefur sent skriflegar athugasemdir til stjórnar Veitna ofh. vegna auglýsingar um lausar stöður forstöðumanna hjá Veitum. VFÍ telur menntunar- og hæfniskröfur sem gerðar eru til starfanna ekki nægilega miklar og óskar eftir skýringum á því af hverju sérfræðiþekkingu og háskólamenntun á sviði verkfræði sé gert svo lágt undir höfði. Meira »

Ráðherra fékk leiðsögn frá lögreglu

10:50 Guðmundur Ingi Guðbrandsson, umhverfis- og auðlindaráðherra, kom hjólandi á fund ríkisstjórnarinnar sem fram fór í ráðherrabústaðnum við Tjarnargötu í morgun. Tilefnið er evrópsk samgönguvika sem nú stendur yfir. Meira »

Ölvaður með sveppapoka í bílnum

10:36 Ökumaður sem lögreglumenn á Suðurnesjum stöðvuðu í gær vegna gruns um að hann æki undir áhrifum fíkniefna viðurkenndi að vera einnig ölvaður. Í hólfi undir farþegasæti í bifreið hans fannst poki með sveppum og viðurkenndi hann eign sína á þeim. Meira »

Krefst gagna frá Isavia

10:15 Úrskurðarnefnd um upplýsingamál hefur óskað eftir því að Isavia láti nefndinni í té „trúnaðargögn“ um mánaðarlegan farþegafjölda og sætanýtingu hvers flugrekanda sem fór um Keflavíkurflugvöll árið 2017 vegna kæru vefmiðilsins Túrista til úrskurðarnefndarinnar. Meira »

Eldur í bíl við Helguvík

10:09 Eldur kom upp í kyrrstæðri og mannlausri bifreið í nágrenni Helguvíkur í gær. Brunavarnir Suðurnesja slökktu eldinn en bifreiðin er gjörónýt. Bifreiðin hafði bilað og var því skilin eftir í vegkantinum. Meira »

Eldislax hefði náð að hrygna í haust

09:24 Eldislax sem veiddist í Eyjafjarðará í byrjun mánaðarins var að því kominn að hrygna og hefði líklega náð því í haust. Þetta kemur fram í máli Guðna Bergssonar, sviðsstjóra og sérfræðings ferskvatnsfiska hjá Hafrannsóknastofnun, í Fréttablaðinu í dag. Meira »

Bein aðför að smábátaútgerð

08:48 Formenn þriggja svæðisfélaga Landssambands smábátaeigenda hafa harðlega gagnrýnt tillögur um að banna handfæraveiðar á tilteknum svæðum í Faxaflóa og Breiðafirði. Meira »

Nýjar íbúðir kosta 51 milljón að meðaltali

08:36 Fjórtán prósent allra íbúðaviðskipta á almennum markaði fyrstu sjö mánuði ársins voru vegna nýbygginga, samanborið við þrjú prósent árið 2010. Þegar síðasta uppsveifla náði hámarki árið 2007 var hlutfallið 18 prósent. Þetta er meðal þess sem kemur fram í nýrri greiningu húsnæðissviðs Íbúðalánasjóðs (ÍLS) um markað með nýjar íbúðir. Meira »

Viljum halda við þjóðlegri matarhefð

08:18 „Við tökum lítið núna, bara rétt til að fá bragðið. Við höfum gaman af þessu og viljum reyna að halda við þjóðlegri matarhefð. Unga fólkið er svolítið tregt að borða þetta en finnst gott að smakka þegar það fær slátrið nýtt upp úr pottinum.“ Meira »

Slydda eða snjókoma fyrir norðan

08:13 Útlit er fyrir slyddu eða snjókomu norðanlands í dag, en rigningu eða slyddu á Austurlandi, en snjókomu á heiðum. Á Suðurlandi verður að mestu þurrt, en ekki eins bjart og í gær. Þetta er meðal þess sem kemur fram í hugleiðingum veðurfræðings um veðurhorfur á landinu næstu daga. Meira »

Nýtt myndver RÚV kostar 184 milljónir

08:02 Sjónvarpsfréttir Ríkisútvarpsins verða sendar út í nýju fréttamyndveri í kvöld og tekur það við af myndveri sem hefur verið í notkun síðustu átján ár. Áætlaður kostnaður við nýja myndverið er 184 milljónir. Meira »

Færir Guðna dagbækurnar

07:57 Margrét Þórhildur Danadrottning mun færa Guðna Th. Jóhannessyni, forseta Íslands, prentaða útgáfu af dagbókum afa síns, Kristjáns X. Danakonungs, þegar hún heimsækir landið hinn 1. desember næstkomandi í tilefni af aldarafmæli fullveldisins. Meira »

Rými fært frá bílum aftur til fólksins

07:43 Fyrir tveimur árum var ákveðið að ráðast í nokkuð róttækar breytingar á skipulagi á hluta Eixample-svæðisins í Barcelona og fékk verkefnið nafnið „superblocks“. Silvia Casorrán, ábyrgðarmaður hjólreiðamála í Barcelona, segir verkefnið hafa bætt öryggi í hverfinu og þá hafi líf á götunum aukist mikið. Meira »