49 greind með RS-veirusýkingu

Alls hafa 49 verið greindir með RS-veirusýkingu á veirufræðideild Landspítalans á fyrstu tveimur vikum ársins. Í síðustu viku voru 29 greindir með RV en þar af voru 15 börn á fyrsta og öðru ári. Þetta er meðal þess sem kemur fram í tilkynningu um inflúensusmit á vef Embættis landlæknis á föstudag.

Veiran hefur verið staðfest hjá öðrum aldurshópum, einkum meðal aldraðra, sem ásamt ungbörnum eru þekktur áhættuhópur. Á sl. fjórum vikum hafa samtals 22 einstaklingar greinst með human metapneumóveiru sem getur valdið svipuðum einkennum og RS-veirusýking gerir hjá börnum.

Heildarfjöldi þeirra sem greindust með inflúensu í vikunni 7.-14. janúar var svipaður og í vikunni á undan en nokkur breyting var á hlutfalli inflúensu A- og B-greininga. Fleiri greindust með inflúensu B en samtímis dró úr fjölda þeirra sem greindust með inflúensu A.

Við nánari skoðun á inflúensu af völdum A-veirustofna sést að sjö greindust með inflúensu A(H3) en fimm einstaklingar með inflúensu A(H1)pdm09. Borið saman við inflúensugreiningar vikuna á undan (1. viku 2018) sést að færri greinast með A(H3) en aukning er á A(H1)pdm09.

Þessi þróun er í samræmi við stöðuna á meginlandi Evrópu en þar er inflúensa B algengasta greiningin og fleiri greinast með inflúensu A(H1)pdm09 en A(H3). Hér á landi greinist inflúensan oftast hjá öldruðum því 18 af alls 32 einstaklingum voru 65 ára eða eldri, en stöku börn og fólk á öðrum aldri greinast einnig með inflúensu.

Samkvæmt upplýsingum frá Embætti landlæknis er töluvert álag á Landspítala vegna öndunarfærasýkinga, en þeir sem leggjast inn með inflúensu eru aðallega einstaklingar með undirliggjandi sjúkdóma eða aldraðir. RSV-veiran virðist einnig breiðast út og greinist oftast hjá ungum börnum og öldruðum einstaklingum.

RS-veira er kvefveira sem leggst bæði á efri og neðri öndunarveg. Sýkingin veldur kvefi og oft bólgu og þrengingum í smáum berkjum lungnanna með öndunarerfiðleikum og hvæsandi öndun sérstaklega hjá mjög ungum börnum. Þetta er algengur sjúkdómur sem leggst á alla aldurshópa en getur lagst þungt á fyrirbura og ung börn innan sex mánaða.

Veiran er svo algeng að flest börn innan tveggja ára aldurs hafa sýkst af henni. Faraldrar af völdum RS-veirunnar eru árvissir, þeir koma að vetrarlagi og standa venjulega í 2–3 mánuði. Árlega er komið með um 20% barna undir eins árs til læknis vegna bráðrar RS-veirusýkingar. Af þeim má reikna með að 2–3% gætu þurft á sjúkrahúsinnlögn að halda.

Bæði fullorðnir og börn geta fengið sýkinguna aftur í nýjum faröldrum þar sem veiran veldur ekki langtíma ónæmi.

RS-veiran smitast einkum með beinni snertingu milli einstaklinga en getur einnig smitast með úðasmiti við hósta eða hnerra. Veiran getur lifað í nokkrar klukkustundir á leikföngum eða á borðplötu og getur smitast þannig og borist í líkamann í gegnum nef, munn og augu.

Sýktur einstaklingur er mest smitandi fyrstu dagana eftir að hann veikist en getur haldið áfram að vera smitandi í nokkrar vikur á eftir. Einkenni sjúkdómsins koma fram fjórum til sex dögum eftir að smit hefur orðið.

Sýkingar af völdum RS-veirunnar geta orðið mjög alvarlegar, sérstaklega hjá fyrirburum, ungbörnum og börnum með undirliggjandi hjarta- og lungnasjúkdóma. Einkenni sjúkdómsins geta verið öndunarerfiðleikar vegna lungna- eða berkjubólgu, hár hiti, mikill hósti, hvæsandi öndun, nefstífla, hröð erfið öndun, blámi á húð vegna skorts á nægu súrefni og oft fylgir eyrnabólga. Sjúklingar sem veikjast alvarlega af völdum RS-veirunnar geta þurft að leggjast inn á sjúkrahús.

Sýkingin nær yfirleitt hámarki á 3–5 dögum og að mestu gengin yfir á einni viku. Flest börn jafna sig að fullu en sum þeirra fá astmaeinkenni fram eftir aldri samfara kvefsýkingum.

Hjá fullorðnum og eldri börnum eru einkenni oftast mild og líkjast vægri kvefpest, þ.e. með nefrennsli, þurrum hósta, hitavellu, særindum í hálsi og vægum höfuðverk.

Veiran getur einnig valdið alvarlegum einkennum hjá eldra fólki, og einstaklingum með undirliggjandi hjarta- og lungnasjúkdóm eða hjá þeim sem eru með bælt ónæmiskerfi.

Greining byggist fyrst og fremst á sjúkdómseinkennum, sjúkrasögu og læknisskoðun en einnig er hægt að greina veiruna í slími frá nefkoki.

Meðferðin byggist einkum á stuðningsmeðferð, vegna þeirra einkenna sem barnið er með, s.s. vökva- og súrefnisgjöf. Astmalyf geta minnkað öndunarerfiðleika hjá ungum börnum.

Væg einkenni sjúkdómsins krefjast engrar sérstakrar meðhöndlunar. Flest börn jafna sig að fullu.

mbl.is

Innlent »

Hljóp út í móa til að flýja lögreglu

12:39 Ökumaður sem lögreglan á Suðurnesjum stöðvaði um helgina tók á sprett út í móa til að flýja lögregluna. Hann sinnti því ekki þegar lögreglan gaf honum fyrirmæli um að stöðva og lögreglumaður hljóp hann þá uppi. Ökumaðurinn náði að sparka í lögreglumanninn svo á honum sá. Meira »

Vilja að Kristín Soffía biðjist afsökunar

12:34 Fulltrúar minnihlutans í skipulags- og samgönguráði Reykjavíkur vilja að Kristín Soffía Jónsdóttir, borgarfulltrúi Samfylkingarinnar, biðjist formlegrar afsökunar og dragi til baka ummæli sín um að trúnaður hafi verið brotinn á síðasta fundi ráðsins eftir að minnihlutinn gekk af fundinum. Meira »

Tónlistin færir gleði og tilgang

10:30 Goðsögnin David Crosby kemur fram ásamt hljómsveit í Háskólabíói á fimmtudag og á efnisskránni verða meðal annars lög sem Crosby, Stills, Nash & Young gerðu fræg. Crosby segist enn njóta þess að koma fram, meira en hálfri öld eftir að ævintýrið hófst. Meira »

Enginn í haldi vegna íkveikju

10:16 Lögreglan á höfuðborgarsvæðinu er að vinna úr vísbendingum sem hafa borist í tengslum við íkveikju fyrir utan bílaumboðið Öskju um fimm í nótt. Enginn hefur verið handtekinn í tengslum við íkveikjuna. Forstjóri Öskju segir að átta bifreiðar hafi skemmst í brunanum. Meira »

Tekinn með falsað ökuskírteini

10:15 Maður framvísaði fölsuðu ökuskírteini þegar lögreglan á Suðurnesjum hafði afskipti af honum um helgina. Var maðurinn stöðvaður vegna hraðaksturs. Meira »

Það er eitthvað í gangi með hvalina

09:51 „Við erum eitt stórt spurningarmerki, fræðimenn á þessu sviði, hérna heima alla vega, um hvað er í gangi. Það er eitthvað í gangi,“ segir Edda Elísabet Magnúsdóttir, hvalasérfræðingur og aðjúnkt í líffræði við Háskóla Íslands, í samtali við mbl.is um tíðar komur smáhvela inn á grynningar. Meira »

Stöðvaður á 155 km hraða

09:29 Lögreglan á Suðurnesjum kærði fimmtíu ökumenn fyrir of hraðan akstur um helgina. Langflest brotin áttu sér stað á Reykjanesbraut. Sá sem hraðast ók mældist á 155 km hraða þar sem hámarkshraði er 90 km á klukkustund. Meira »

Skóflustunga í september

07:57 Fyrsta skóflustunga að nýjum miðbæ á Selfossi verður tekin í lok september. Kosið var um miðbæinn í íbúakosningu í Árborg á laugardag og voru 58,5% hlynntir nýju aðalskipulagi vegna miðbæjarins og 39,1% andvígt. Meira »

Styrktir til að fara sjálfir aftur heim

07:37 Dómsmálaráðuneytið hefur sett út til kynningar í samráðsgátt stjórnarráðsins drög að reglugerð um heimild Útlendingastofnunar til að greiða umsækjendum um alþjóðlega vernd styrki ef þeir draga umsóknir sínar til baka eða þeim verður synjað. Meira »

Kalt og rigning

07:25 Veðurspár gera ráð fyrir rólegu veðri fram eftir vikunni en hitatölurnar ekkert til að hrópa húrra fyrir í ágústmánuði og enginn landshluti sleppur við vætu, að því er segir í hugleiðingum veðurfræðings Veðurstofu Íslands. Meira »

Teljari í dæluskúr gaf sig

07:10 Teljari í olíudæluskúr gaf sig með þeim afleiðingum að olía spýttist úr honum, flæddi úr skúrnum og í höfnina á Fáskrúðsfirði en verið var að dæla olíu um borð í uppsjávarskipið Hoffell SU-80 þegar óhappið varð. Meira »

Kveikt í bílum við Öskju í nótt

06:54 Fjölmennt lið slökkviliðs höfuðborgarsvæðisins var kallað út um fimm í nótt vegna bílbruna við bílaumboðið Öskju. Þar hafði verið kveikt í nýlegum bílum sem eru til sölu og stóðu fyrir utan húsnæði bílaumboðsins. Alls skemmdust sjö bílar. Meira »

Innan við helmingur staðfestur

06:02 Alls voru 43 prósent ákvarðana Útlendingastofnunar, um brottvísun og endurkomubann einstaklinga sem synjað var um alþjóðlega vernd hér á landi, staðfestar af kærunefnd útlendingamála í fyrra. Meira »

Dýrasta lausnin

05:30 „Það er augljóst að það er ekki góð meðferð á almannafé að setja fólk í þá stöðu að bjóða eingöngu upp á dýrustu lausnina til að leysa heilbrigðisvanda.“ Meira »

Heræfing hefst á Íslandi

05:30 Hluti heræfingar NATO, Trident Juncture, verður haldinn hér á landi sem undanfari aðalæfingarinnar sem hefst 25. október nk. í Noregi. Mun hún standa í tvær vikur og verður stór í sniðum. Meira »

Hækkana er ekki að vænta

05:30 „Það hefur engin almenn ákvörðun um launabreytingar verið tekin af kjaranefnd frá því í september 2017. Það hafa verið teknar ákvarðanir í einstaka málum, sem embættismenn hafa þá verið búnir að bera undir ráðið, en engin almenn ákvörðun um launahækkanir hefur verið tekin frá þeim tíma.“ Meira »

Ný stofnun yfir friðlýst svæði

05:30 „Þetta er gert til þess að efla náttúruvernd í landinu, gefa henni meiri slagkraft,“ segir Guðmundur Ingi Guðbrandsson umhverfisráðherra um tillögur sem lagðar hafa verið fram um nýja stofnun sem ætlað er að annast umsýslu allra þjóðgarða og annarra friðlýstra svæða í landinu, auk almennrar náttúruverndar. Meira »

Þurfum lengra sumar

05:30 Útlit er fyrir góða kartöfluuppskeru á Norðurlandi í haust. Lítil uppskera verður á Suðurlandi nema gott veður og frostlaust verði fram eftir hausti. Meira »

Flytja athvarf á St. Jósefsspítala

05:30 Ákveðið hefur verið að færa starfsemi Lækjar, athvarfs fyrir geðfatlaða í Hafnarfirði á St. Jósefsspítala. Ástæða þessa er að húsnæði athvarfsins er myglað, gluggar fúnir, vatn lekur inn í þvottahús þess og vatn í lögnum frýs. Gera þarf við húsið fyrir 17,3 milljónir króna til ársins 2020. Meira »
Þýsku kerrurnar, ný sending
Fleiri myndir á Bland: https://bland.is/classified/entry.aspx?classifiedId=38248...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Til sölu 5 gírkassi úr Volvo 240 93.
Til sölu 5 gíra gírkassi úr volvo 240 argerð 93 ek.66 þ. sv.hjól pressa og gírst...