„Aðalatriðið að við ætlum að vanda okkur“ 

Frá fjölmennum fundi sem PCC Bakki hélt á Fosshóteli á ...
Frá fjölmennum fundi sem PCC Bakki hélt á Fosshóteli á Húsavík í dag. mbl.is/Skapti Hallgrímsson

Húsvíkingar voru fullvissaðir um það, á fjölmennum fundi á Fosshóteli á Húsavík í dag, að allt yrði gert, sem mögulegt væri, til að umhverfisáhrif kísilvers PCC á Bakka yrðu sem minnst. Forstjóri fyrirtækisins sagði m.a. að verksmiðjan yrði ekki gangsett fyrr en öll tækni og öll tæki virkuðu eins og þau ættu að gera.

Sorgarsaga kísilvers United Silicon í Helguvík hefur ítrekað verið í fréttum en forstjóri PCC á Bakka sagði alls ekki neitt samasemmerki á milli verkefnisins á Bakka og þess suður með sjó. Tæknin í verksmiðjunni á Bakka væri sú besta sem völ væri á.

Besta mögulega tækni

„Allir sem fylgjast með fréttum vita að eitthvað mikið fór úrskeiðis í Helguvík en það er ekki jafnaðarmerki á milli þessara verkefna. Við erum með bestu tækni sem er möguleg til að lágmarka umhverfisáhrif og munum ekki setja í gang fyrr en við verðum sannfærð um að öll tækni og öll tæki séu farin að virka. Þess vegna getum við ekki gefið upp nákvæma  dagsetningu, en stefnt er að því að gangsetja fyrri ofn verksmiðjunnar seinni hluta febrúar,“ sagði Hafsteinn Viktorsson, forstjóri PCC BakkiSilicon, á fjölmennum fundi á Húsavík síðdegis. „Við höfum notið mikils trausts í nærsamfélaginu og viljum ekki bregðast því trausti. Aðalatriðið er að við ætlum að vanda okkur,“ sagði Hafsteinn. Síðari ofninn verður væntanlega gangsettur í apríl.

Stjórnendur kísilsversins á Bakka kynntu framleiðslu- og gangsetningarferli, auk þess sem farið var yfir ýmislegt varðandi öryggis- og umhverfismál. Þeir svöruðu síðan spurningum áhugasamra fundargesta, m.a. um mögulega mengun og hvernig yrði staðið að urðun, og lofuðu að upplýsingagjöf yrði alltaf mikil. 

Hugsanlega lykt til Húsavíkur

Fram kom að fyrstu vikuna, eftir að verksmiðjan verður ræst, mundi nokkur reykur verða sýnilegur. Gangsetningin hefst með forhitun ofna, þá losnar mikill raki úr fóðringu ofnsins sem myndi eyðileggja síupoka í reykhreinsvirkinu og útblæstri er því hleypt út um neyðarskorsteina í upphafi. Miðað við áætlanir ætti allt að vera komið í eðlilegt horf á áttunda degi.

Lykt berst mögulega til Húsavíkur í norðanátt, að sögn talsmanna fyrirtækisins, en ætti þó ekki að valda vandræðum. Teitur Guðmundsson, trúnaðarlæknir fyrirtækisins, sagði að mögulega gæti fólk með undirliggjandi sjúkdóma, til dæmis astma, fundið fyrir óþægindum en hann teldi þó ekki miklar líkur á því.

Verksmiðjan skilur eftir sig umhverfisspor, eins og aðrar slíkar, en mengunarvarnir verða þær bestu sem völ er á, að sögn talsmanna PCC BakkiSilocon. Erlingur E. Jónasson öryggis-, umhverfis- og gæðastjóri, nefndi að Íslendingar væru stórnotendur á kísli, enda efnið notað í fjölda hversdagslegra hluta. „Við getum því verið glöð þegar kísill er framleiddur hér á landi. Þegar framleitt er með raforku, eins og hér, er losunin á koltvísýringi um 5 tonn á hvert framleitt tonn af sílikoni, en þegar rafmagnið er framleitt með kolum er losunin um 16 tonn.“

Hvers vegna eru notuð kol?

Í fréttum hefur töluvert verið fjallað um það síðustu misseri að fyrirtækið muni flytja töluvert til landsins af kolum. Áréttað var á fundinum að kolin yrðu ekki notuð til þess að  framleiða rafmagn - það væri beinlínis fráleitt að láta sér detta slíkt í hug. Kolin væru hins vegar nauðsynleg hér, sem i öðrum sambærilegum verksmiðjum, til þess að nauðsynleg efnahvörf ættu sér stað í framleiðsluferlinu.

„Við erum ekki ónæm“

Forstjórinn sagði það ekki skipta starfsmenn fyrirtækisins minna máli en aðra að allt væri eins og það ætti að vera í verksmiðjunni, til dæmis mengunarvarnir. „Hér er starfsemin en hér er líka okkar heimili og barnanna okkar. Við erum ekki ónæmari fyrir því sem kemur frá verksmiðjunni okkar en aðrir íbúar,“ sagði Hafsteinn Viktorsson forstjóri.

Góður rómur var gerður að málflutningi fulltrúa fyrirtækisins og ef marka má fundinn eru íbúar afar jákvæðar í garð verksmiðjunnar á Bakka.

mbl.is

Innlent »

„Ég gat ekkert gert“

09:18 Sálfræðingar eru komnir til starfa á öllum heilsugæslustöðvum á höfuðborgarsvæðinu en ekki hefur enn verið samþykkt á Alþingi að skólasálfræðingar verði í framhaldsskólum. Mikilvægi forvarna verður seint oflofað og kona sem var í geðrofsástandi í tvö ár varar fólk við hættunni af neyslu kannabis. Meira »

Betur fór en á horfðist með kornið

08:18 Heldur hefur ræst úr með kornuppskeru á Suðurlandi eftir erfitt kornræktarsumar. Uppskeran verður þó væntanlega þriðungi minni en í meðalári. Meira »

Bjartviðri sunnan og vestanlands

08:17 Bjartviðri og hægur vindur verður á landinu sunnan- og vestanverðu í dag, á meðan hægt og rólega dregur úr norðanáttinni og úrkomunni fyrir norðan og austan. Dálítil slydda eða snjókoma verður þó norðan- og austanlands og rigning á láglendi, en þurrt á Suður- og Vesturlandi. Meira »

Deilt um mastur og útsýnispall

07:57 Borgarráð Reykjavíkur hefur fallist á tillögu umhverfis- og skipulagsráðs að auglýsa tillögu að deiliskipulagi fyrir svæði á toppi Úlfarsfells þar sem fyrirhugað er að reisa 50 metra hátt fjarskiptamastur fyrir loftnet og tækniskýli með útsýnispalli. Meira »

Mikil þörf á öflugri dráttarbáti

07:37 Faxaflóahafnir sf. undirbúa smíði á nýjum og öflugum dráttarbáti, meðal annars með gerð útboðsgagna. Á stjórnarfundi í gær var samþykkt að bjóða út smíði á dráttarbáti á grundvelli fyrirliggjandi gagna. Meira »

Líkamsárás í Hafnarfirði

07:08 Karl og kona voru handtekin upp úr miðnætti í nótt í kjölfar líkamsárásar í Hafnarfirði. Karlmaðurinn var handtekinn eftir að hann hann hafði ráðist á mann með fólskulegum hætti og svo var kona tekin höndum er hún reyndi að tálma handtöku og réðist að lögreglumanni. Meira »

Áhersla á notkun hjálma

05:30 Rannsóknarnefnd samgönguslysa telur líkur á að maður sem lést í hjólreiðaslysi á Nesjavallavegi í fyrravor hefði lifað slysið hefði hann verið með hjálm. Í umræddu slysi lést hjólreiðamaðurinn af völdum höfuðáverka. Meira »

Leyfi Þríhnúkagígs verður auglýst

05:30 Tillaga um að auglýsa eftir aðilum til að nýta Þríhnúkagíg og umhverfi hans til lengri tíma er til umfjöllunar hjá Kópavogsbæ. Tillaga þess efnis var ekki afgreidd á síðasta fundi skipulagsráðs bæjarins heldur frestað. Meira »

Heimilt að rífa stóra strompinn

05:30 Niðurrif á reit Sementsverksmiðjunnar á Akranesi, sem var reist á árunum 1956 til 1958, stendur yfir. Niðurrifinu á að ljúka fyrir 1. október næstkomandi. Meira »

Meðalverðið 110 milljónir

05:30 Nýjar íbúðir á Hafnartorgi í Reykjavík kosta að meðaltali 110 milljónir. Það kann að vera hæsta meðalverð sem um getur í fjölbýli á Íslandi. Meira »

Niðurgreiða póstsendingar frá Kína

05:30 Framkvæmdastjóri Samtaka verslunar og þjónustu vekur athygli á því í aðsendri grein í Morgunblaðinu í dag, að samkvæmt alþjóðasamningum sem Ísland er aðili að beri póstþjónustufyrirtækjum í þróuðum ríkjum að greiða á bilinu 70-80% af kostnaði við póstsendingar frá þróunarríkjum. Meira »

Sektir eða fangelsi eiga við

05:30 Umhverfisstofnun sendi bandaríska listamanninum Kevin Sudeith bréf í upphafi mánaðar, þar sem óskað var eftir upplýsingum um meint ólöglegt athæfi hans með því að rista listaverk í kletta hjá Stöðvarfirði. Meira »

Rifu bragga frá stríðsárunum

05:30 Verktakar í Kópavogi hafa á undanförnum vikum rifið niður græna braggann á Kársnesi. Ágúst Friðgeirsson húsasmíðameistari segir braggann vera frá stríðsárunum. Bragginn hafi staðið á lóð þar sem byggðar verða 86 íbúðir. Meira »

Fíkniefni reyndust vera svínakjöt

Í gær, 23:22 Seinni partinn í dag var tilkynnt um fíkniefnaviðskipti á Smiðjuvegi. Lögregla stöðvaði viðkomandi nokkru síðar sem viðurkenndi fúslega að hafa átt í viðskiptum og framvísaði svínakjöti sem hann hafði keypt. Meira »

Göngumaður fannst kaldur og hrakinn

Í gær, 22:57 Þyrla Landhelgisgæslunnar var kölluð út fyrr í kvöld til að aðstoða við leit að manni sem villtist á göngu á Bláfjallaleið. Hópur frá Björgunarsveit Reykjavíkur fann manninn kaldan og hrakinn, en heilan á húfi um tuttugu mínútur í ellefu. Meira »

Vinnur að bók um bókband og bókbindara

Í gær, 21:54 Sigurþór Sigurðsson bókbindari hefur forðað mörgum bókbandsverkum frá glötun og hefur auk þess unnið óeigingjarnt starf við að safna upplýsingum um gamalt bókband og bókbindara í yfir þrjá áratugi með útgáfu í huga. Meira »

Árekstur við Hagkaup í Garðabæ

Í gær, 21:39 Árekstur varð við Hagkaup í Garðabæ í kvöld. Að sögn slökkviliðsins á höfuðborgarsvæðinu voru tveir sjúkrabílar sendir á staðinn, eftir að tilkynnt var um áreksturinn um níuleytið í kvöld. Meira »

Vonast til að geta flýtt tvöföldun

Í gær, 21:31 Miðað við nýja samgönguáætlun sem gildir frá árinu 2019 til 2023 og langtímaáætlun til ársins 2033 er ekki gert ráð fyrir því að tvöföldun Reykjanesbrautarinnar ljúki fyrr en eftir fimmtán ár. Meira »

Við erum of kappsöm í frístundum

Í gær, 20:40 „Ég ætla að nálgast þetta sem starfandi sálfræðingur, en mér finnst eftirsóknarvert að skoða hvað felst í „hygge“ og hvernig hægt er að tileinka sér það,“ segir Kristín Linda Jónsdóttir sálfræðingur, en hún verður með námskeið í næstu viku hjá Endurmenntunarstofnun Háskóla Íslands um danska fyrirbærið hygge, eða eins og það er kallað á íslensku: Að hafa það huggulegt. Meira »
Viltu heilbrigt,fallegt og síðara hár? þetta er svarið
Cocoa locks https://cupid.is/flokkur/cocoalocks/ Our Hot Chocolate and Hair ...
Antik.!!! Bílkasettutæki og hátalarar
Til sölu antik Clarion bílkasettutæki, ónotað enn í kassanum. Verð kr 10000.. E...
Þýsku kerrurnar, ný sending
Fleiri myndir á Bland: https://bland.is/classified/entry.aspx?classifiedId=38248...
Húsaviðgerðir
https://www.husco.is/...