Til stóð að flytja Sunnu Elviru Þorkelsdóttur, sem lamaðist eftir fall í Malaga á Spáni fyrir rúmum tveimur vikum, á bæklunarspítala í Toledo í gær en ekki varð af því sökum þess að spítalinn segist ekki hafa pláss fyrir hana.

Þetta segir Jón Kristinn Snæhólm, talsmaður Sunnu, í umfjöllun um mál hennar í Morgunblaðinu í dag. Einum og hálfum tíma áður en flytja átti Sunnu var þeim tjáð að ekki væri hægt að taka við henni í Toledo.

„Það var verið að búa hana undir flutning og bíllinn klár og allur pakkinn og þá segjast þeir ekki hafa pláss fyrir hana,“ segir Jón Kristinn. Hann segir alla steinhissa á þessum fréttum og erfitt sé að skilja að ekkert sjúkrahús á Spáni geti tekið við lamaðri konu.

Tengdar fréttir

Hlaut mænuskaða á Malaga

Lögreglan tekur yfir mál Sunnu

• Fá forræði yfir máli Sunnu Elviru
• Himinlifandi að vera loksins komin heim
• Sunna Elvira komin til Íslands
• Sunna hefur endurheimt vegabréfið

» Fleiri tengdar fréttir