Vetrarfærð og fljúgandi hálka

Vetrarfærð er í öllum landshlutum og víða él eða slydduél. Hálka kann sums staðar að vera með verra móti þar sem hiti er ofan frostmarks nokkuð víða.

Þetta kemur fram á vefsíðu Vegagerðarinnar.

Samkvæmt upplýsingum á vefsíðu Veðurstofu verður vægt frost á öllu landinu í nótt og einhver ofankoma á suðurhlutanum.

Það verður nánast úrkomulaust á öllu landinu á morgun og kólnar talsvert en spár gera til að mynda ráð fyrir átta gráðu frosti á Kirkjubæjarklaustri annað kvöld.

• Blogga um frétt